VOV4.Bahnar  – Năr 21/9, tơ̆ Anih Dơ̆t hơlen pơrang jĭ kơsô̆ 1 Sao Mai, 'măng mơ̆t lĕch găh pơbăh mơ̆t tơ̆ dêh char Kon Tum, khul jang hơlen kơ dêh char Kon Tum đơ̆ng chă test renh băt đei 2 'nu ƀơm jĭ SARS-CoV-2. Dôm bơngai tơrĕk tơjê̆ duh hlôi đei xơkơ̆t păng iŏk yua tơdrong xek tơlang trŏ ƀlep, vei xơđơ̆ng Kon Tum adoi oei rơgoh Covid-19 lơ̆m tơpôl. Ƀar 'nu âu kiơ̆ đơ̆ng test renh băt ƀơm SARS-CoV-2 noh bơngai vơ̆r gre N.V.T, 33 xơnăm oei tơ̆ dêh char Bình Định, bơ̆ jang tơ̆ plei tơm Hồ Chí Minh păng bơngai năm hadoi noh H.V.T (tam mă băt pơlei pơla). Đơ̆ng rŏng kơ băt  đei 2 'nu ƀơm jĭ SARS-CoV-2, khul jang tơ̆ Anih Dơ̆t hơlen pơrang jĭ Sao Mai hlôi pơkă tơring, pơkăl dôm bơngai jang păng kon pơlei tŏk bŏk oei bơ̆ hla bar tơ̆ anih hơlen nĕ lĕch tơ̆ 'nguaih. Thoi noh truh dang ei dêh char Kon Tum hlôi đei 29 'nu ƀơm jĭ SARS-CoV-2 păng adoi đei pơkăp oei tơklăh hơmet jĭ kơtă kơ mơ̆t truh dêh char. Kon Tum dang ei tơmam mă đei bơngai yơ ƀơm jĭ COVID-19 lơ̆m tơpôl pơlei pơla.

Lan chih păng pơre nơ̆r