VOV.Bahnar - Hre\i au tơ\ dêh char Kon Tum đe\i 234 hnam go\ pai sa tơpôl, lơ\m au găh lơ ako\m tơ\ rim hnam trương ho\k. Vă ‘nhe\m ‘nhot pai sa ‘lơ\ng hơ iă, rơgo\h ‘lơ\ng ăn đe hok tro, Khu\l kơdră che\p pơgơ\r rim hnam trương to\k bo\k hơdrin đ^ jơhngơ\m rim năr lơ\m tơdrong tơtăm hơmơt đe\i tơdrong soai pơnhu\l tơmam sa.

Sơnăm ho\k au, Hnam trương Mâm non Đak Mar, apu\ng Đak Ha đe\i 587 ‘nu ho\k tro oe\i sa kơ ‘năr dơ\ng. Rim nar, vă lăng tông nông gia ăn đe mon so\ng sa kơ ‘năr dơ\ng păng ăn so\ng sa ling glơ\h, 3 ‘nu bơngai joăt pai sa atu\m hăm rim kô pơtho lơ\m hnam trương tôch pơ joăl. Kô Phạm Thị Phương, Kơdră che\p pơgơ\r hnam trương Mâm non Đak Mar tơroi tơbăt, vă sơđơ\ng so\ng sa rơgo\h ‘lơ\ng, hnam trương lăng kơ jăp tru\h đơ\ng chă răt blu\ng a, đơ\ng no\h pai, răk ‘nhot ‘nhe\m hlôi pai … tru\h chă pơ pro\ ăn đe mon so\ng sa. Mă le\i, mă đơ\ng hlôi lăng kơ jăp pơm kiơ\ kơtang dôm tơdrong tơchơ\t, tơdrong tơtăm hơmơt soai pơnhu\l tơmam sa oe\i hơnơ\ng tơtăm đe\ch.

Kô Phạm Thị Phương, pơma:“Tơtăm dêh. Hlo\h m^nh măng m^nh năr ư\h kơ đe\i kơtơ\ng me\ [a\ ho\k tro chă tơroi đe mon hoe\i soai pơnhul tơmam sa dăh mă lơ\m jơ ‘năr bơ\n oe\i lăng năng tông ho\k tro tơ\ hnam trương ư\h kơ đe\i tơdrong kiơ ‘no\h đơ\ng kang [o# ve\i lăng tru\h tơ\ kô pơtho, rim bơngai bơ\ jang mă phơk jơhngơ\m”

Vă dă [iơ\ đe\i tơdrong chă soai pơnhu\l tơmam sa tơ\ hnam go\ tơpôl, lơ hnam trương tơ\ apu\ng Đak Ha chă pơro# pơ rôp rim bơngai jang đoàn ko\ng đoan, khu\l đoàn hơdru\h tơdăm hnam trương pơ jing pơgar ‘nhot kơtă, dăh mă năm chă răt đơ\ng an^h anai sơđơ\ng. Kô pơtho Dương Thị Tuyết, Kơdră che\p pơgơ\r Hnam trương Mâm non Sơn Ca, th^ trân Đak Ha tơbăt, Khu\l kơdră che\p pơgơ\r Hnam trương athe\i rim kang [o# kô pơtho kơ hnam trương v^h tơ\ hnam chă pơro# athe\i u\nh hnam pơtăm hla sơ [e\i, tơ\h te\ch ăn kơ hnam trương. Hăm trong jang au, hnam go\ pai sa tơpôl ăn 256 ho\k tro oe\i sa ‘năr dơ\ng kơ hnam trương Mâm non Sơn Ca mă sơđơ\ng jơhngơ\m tơdrong tơtăm hơmơt soai pơnhu\l đơ\ng ‘nhot sa. Mă đơ\ng lơ lo\h ră, mă le\i tơdrong khan pă đe\i tơtăm je\i ư\h mơ\n.

Kô pơtho Dương Thị Tuyết, tơroi tơbăt:“Găh ‘nhot sa ‘no\h hnam trương gơ\h pơm tơle\ch vă pai sa ăn đe ho\k tro kơna hnam trương je\i sơđơ\ng jơhngơ\m. Găh m^nh [ar tơmam drăm bơ\n kăl đe\i mă le\i răt đơ\ng ‘ngoăih ‘no\h j^ lăng hơlen tôch kơ jăp ‘mơ\i. Găh tơdrong ‘lơ\ng, găh khăm lăng hơlen, sơkơ\t hơdăh ‘lơ\ng lơ\m ‘nhe\m ‘nhot, pơ t^h gia tơdrong sơkơ\t găh hocmon kơ ‘nhe\m, ka ‘no\h hnam trương tơnap mă băt găh tơdrong au kơ yuơ bơ\n lăp lăng kơmăt, kiơ\ tơdrong joăt vă rơ\ih răt ‘nhe\m ‘nhot nei”

Tơdrong tơtăm hơmơt đe\i soai pơnhu\l tơmam sa tơ\ hnam go\ tơpôl tơ\ rim hnam trương ho\k lơ\m dêh char Kon Tum ‘no\h jing tơdrong đe\i [o#h tơpă mơ\n. Kơ yuơ, hrei au, tơdrong lăng hơlen lơ\m răt tơmơ\t ‘nhe\m ‘nhot kơ rim hnam go\ ‘no\h j^ m^nh tơdrong tôch gle\h hrat păng tơnap mă jang kiơ\. Mă đơ\ng Khu\l kơdră che\p pơgơ\r hnam trương đe\i ho\k tro oe\i sa kơ ‘năr dơ\ng je\i tôch hơdrin chă rơ\ih hơlen, k^ pơkăp hăm an^h [u\h kăt ‘nhe\m, an^h rong kon tơrong, an^h te\ch ăn ‘nhot sa vă te\ch ăn kơ hnam trương mă le\i ư\h kơ bu pơ\n sơkơ\t hơdăh akhan hoe\i đe\i tơdrong kiơ ôh.

Yă Nguyễn Thị Thanh Thúy, Kơ ie\ng Kơdră che\p pơgơ\r Dơno\ an^h ve\i lăng Hnam trương pơtho pơ hrăm apu\ng Đak Tô tơroi tơbăt:“Tơpă bơ\n je\i tơtăm tơpă mơ\n. Kơ yuơ rim hnam trương ư\h kơ đe\i tôm kơmăi mo\k vă test găh tơdrong ‘nhot ple\i [um dăh mă rim ‘nhe\m mư\h răt tơmơ\t ăn hnam go\ hăm rơgo\h dăh mă ư\h? Hăm răt lơ kơna nhôn je\i tơnap mă băt hơdăh găh an^h chă pơm tơle\ch te\ch mơdro au hăm rơgo\h ‘lơ\ng dăh mă ư\h?”

Tơpă yan au tơ\ Kon Tum, dôm sơnăm hơdrol hlôi đe\i lơ ‘măng soai pơnhu\l tơmam sa lơ\m rim hnam trương. Mă hơdăh ‘no\h hơnơ\ng đe\i 2 ‘măng soai pơnhu\l tơmam sa lơ\m sơnăm 2012 tơ\ Hnam trương jăl kơ đe\h Võ Thị Sáu, tơring Hơ Moong, apu\ng Sa Thầy păng tơ\ Hnam trương Pơtho tơdrong jang Kon Tum, pơm ăn 267 ‘nu ho\k tro soai pơnhu\l. Sơnăm 2014 tơ\ Hnam trương te\h đak rong ‘me Phan Đình Phùng, tơring Hơ Moong, apu\ng Sa Thầy je\i đe\i soai pơnhu\l tơmam sa pơm ăn 48 ‘nu ho\k tro măh chơ ming hơmet tơ\ hnam pơgang. ‘Nau dôm nơ\r tơbăt kăl lăng kơ jăp.

Tơ\ anăp tơdrong au, [ok Hoàng Chí Trung, Kơdră che\p pơgơ\r Dơno\ an^h ve\i lăng sơđơ\ng rơgo\h tơmam sa dêh char Kon Tum tơroi tơbăt:“Hre\i au, tơdrong lăng hơlen tơmam sa răt tơmơ\t lơ\m hnam go\ pai sa tơpôl ‘no\h to\k bo\k jang tơtap tap. Găh rơvơn lăp m^nh [ar hnam trương lơ\m pơle\i tơm Kon Tum, rim th^ trân păng m^nh [ar hnam go\ pai sa kơ Hnam trương te\h đak rong ‘me. Tơdrong tơm ‘no\h, rim hnam go\ au gơ\h chă rơih răt dôm ‘nhot sa oe\i hơdr^h ‘lơ\ng păng tơ\ rim hnam trương gơ\h chă re\i pơtăm, rong kơ d^h vă chă pai sa ăn kơ d^h hnam trương. Pă dôm yơ ‘no\h hre\i au tơdrong chă rơ\ih răt dôm ‘nhot sa, ‘nhe\m ka hơdang je\i tơnap mă băt hơdăh an^h pơm tơle\ch te\ch mơdro. An^h [u\h kăt ‘nhe\m ako\m m^nh hơn^h hre\i au je\i tim mă pơ jing ‘lơ\ng lie\m. păng găh tơdrong dăr lăng hơlen găh pơgang ve\i lăng ‘long pơtăm adoi nhen rơkăh pơgang ve\i lăng ‘long pơtăm tơ\ rim pơgar pơtăm ‘nhot sa kơ kon pơle\i tim mă đe\i iung jang kơ jăp. Pă rim hnam trương tơring atăih yăih kơ yuơ kon jên kơ [a\h kơ [ôch kơna ư\h kơ gơ\h vă k^ pơkăp hăm an^h te\ch ‘nhe\m ‘nhot vă te\ch ăn kơ rim hnam go\. Kơ yuơ lơ lo\h đe sư lăp răt io\k đơ\ng dôm bơngai chơ te\ch hăm gre bơb^t păng jăl trong chơ đơ\ng pơle\i tơm Kon Tum tru\h tơ\ rim hnam trương tơring atăih yăih kơtech 4 jơ ‘mơ\i mă tru\h. Kơ yuơ lơ lo\h tơdrong hơmơt đe\i pơrang j^ păng soai pơnhul tơmam sa ‘no\h tôch kơtang.

Găh m^nh [ar trong jang [ơ\t măt vă sơđơ\ng rơgo\h tơmam sa tơ\ rim hnam trương tơ\ Kon Tum, [ok Hoàng Chí trung tơbăt: “Nhôn tơle\ch jang hloi đơ\ng blu\ng sơnăm pơ jing trong pơ pro\ jang, jang hơdoi hăm Dơno\ an^h ve\i lăng hnam trương dêh char adoi nhen rim An^h ve\i lăng hnam trương pơtho pơ hrăm apu\ng păng Dơno\ an^h ve\i lăng kon pơle\i rim apu\ng, rim an^h ch^h kơtơ\ng ang păng pơtho tơbăt găh tơdrong băt hơdăh rơgo\h ‘lơ\ng tơmam sa ăn khu\l kang [o# bơ\ jang ve\i lăng, kang [o# jang pơgang, rim bơngai jang kơ rim hnam trương adoi nhen rim [ok thây kô păng dôm bơngai jang tơ\ rim hnam go\ tơpôl au. Mă [ar dơ\ng ‘no\h nhôn jang hơdoi hăm kơdră che\p pơgơ\r an^h mơdro sa tơm păng Dơno\ an^h ve\i lăng hnam trương dêh char hơnơ\ng năm dăr lăng rim hnam go\ pai sa tơpôl hăm đe\i tôm tơdrong ‘lơ\ng hơ iă vă chă pai sa rơgo\h ‘lơ\ng tơmam sa”.

Tơblơ\ nơ\r: Amazư\t