VOV4.Bahnar - Pơ tơm blŭng đơ̆ng ‘năr (15/7), dêh char Kon Tum jang kiơ̆ tơ drong tơ gŭm jên tơ drong jang ăn Grŭp bơ̆ jang tơ pôl tang găn jĭ  COVID-19.  Kiơ̆ kơ ‘noh, Anih vei lăng kon pơ lei dêh char Kon Tum jang kiơ̆ tơ gŭm jên tơ drong jang ăn Grŭp bơ̆ jang tơ pôl tang găn jĭ COVID-19 hăm kơ sô̆ jên 80.000 rơ bâu  hlak jên 1 ‘nu 1 năr. Kơ sô̆ bơ ngai đei tơ gŭm kơ 1 grŭp ư̆h kơ hloh 1 ‘nu 1 năr. Vă đei jên jang kiơ̆, Anih vei lăng kon pơ lei dêh char Kon Tum athei Trung ương tơ gŭm 70%, uơ oei dơ̆ng 30% yua đơ̆ng jên jang tơ ring.

Kon pơ lei jang kiơ̆ tơ roi tơ băt ăn khŭl jang pơ gang hơ drol kơ mơ̆t lơ̆m dêh char Kon Tum

Dang ei dêh char Kon Tum đei 2.832  Grŭp bơ̆ jang tang găn jĭ COVID-19. Thoi noh hăm kơ sô̆ jên tơ gŭm 80.000 hlak jên ăn 1 ‘nu kơ 1 grŭp, 1 năr akŏm đĭ đăng jên mă dêh char Kon Tum athei kla ‘noh hloh 220 triệu hlak jên. Kon Tum jĭ 1 lơ̆m kơ sô̆ tŏ sĕt dêh char lơ̆m teh đak tam mă đei bơ ngai jĭ SARS-CoV-2, mă lei hơ mơt kơ đei ƀôh jĭ hơ buh ‘noh tôch kơ tang.

Thuem: Tơ blơ̆