VOV4.Bahnar - Anih vei lăng kon pơ lei dêh char Kon Tum ‘nao pơ gơ̆r Hop akŏm trực tuyến hăm dôm apŭng, pơ lei tơm ‘măng hop akŏm khei 3 vă hơ len lăng tơ drong hơ tŏk tơ iung mŭk drăm – tơ pôl jăl I; tơ lĕch jang tơ drong jang jăl II. Lơ̆m jăl I sơ năm 2021, mă đơ̆ng athei tơ jră hăm dôm tơ drong mơ nat tat, long nol yua đơ̆ng ƀơm kơ nê̆ đơ̆ng jĭ Covid-19, tơ drong mŭk drăm – tơ pôl dêh char Kon Tum hơ nơ̆ng sơ đơ̆ng, hơ tŏk tơ iung păng iŏk đei lơ jơ nei, vei sơ đơ̆ng jang đang tơ drong jang hơ dai.

Jơ hop akŏm

Vă jang kiơ̆ ‘lơ̆ng rim tơ drong jang, tơ drong hơ găt hơ tŏk tơ iung mŭk drăm – tơ pôl sơ năm 2021, lơ̆m jăl II, Anih vei lăng kon pơ lei dêh char Kon Tum tơ lĕch ăn 1,2 tơ drong jang tơm: Tơ lĕch jang trong vă jang pơm tơ lĕch pơ yan jang sơ năm 2021; dăr hơ len hơ găt teh chŭn na hơ nơ̆ng ư̆h kơ măh đak tơ rŭih, krao hơ vơn kon pơ lei tơ plih jing ‘long pơ tăm nai đei iŏk yua, hơ met ăn tôm hơ drĕch păng rim tơ drong kăl vă pơ tăm 3.000hek tar bri păng 5 triệu tơ nơm ‘long pơm yơ̆p lơ̆m dêh char, hơ drin pơ tăm đei 900 hek tar bri.

Thuem: Tơ blơ̆