VOV4.Bahnar - Roi tơje# ‘năr pơlong Trung học phổ thông quốc gia, oo\k tro, me\ [ă ho\k tro păng thây pơtho tơ\ Kon Tum roi băt hơdăh dôm tơdrong tơre\k kăp g^t đơ\ng tơdrong tơplih kơ ‘măng pơlong.  

Oh Lê Văn Tuấn, ho\k tro lăm 12B4, kơ hnam trưng Trung học phổ thông Lê Lợi, plei tơm Kon Tum jing minh lơ\m 1.750 ‘nu bngai pơlong ‘măng pơlong Trung học phổ thông quốc gia kơtă tơ\ dêh char Kon Tum. Duh nhen tơdrong ho\k kơ po, Tuấn xkơ\t adro# chih măt pơlong vă xek ho\k đ^ jăl Tung học phổ thông đe\ch:“Minh păh inh duh ưh kơ đei lui hăm kơdih po. Mă 2 noh inh adro# vă to\k ho\k trung cấp thú y tơ\ Gia Lai. Ning mônh kơnh pơih pơgar jang kơdih. Đon kơche\ng inh noh xđơ\ng kjăp. Hiôk noh [ơ\t pơlong tơ\ âu, tơje# hnam noh mă mônh. Ba juăt hăm cham char tơ\ âu, mă 2 noh ba tơng kơdih xđơ\ng jơhngơ\m [ơ\t pơlong tơ\ âu”.

Yă Lê Thị Quý, me\ ho\k tro Lê Văn Tuấn tơgu\m rơih ăn kơ kon dro\ nglo po. Yă Quý ăn tơbăt, dôm xơnăm adrol ki, lơ ‘măng pơlong Đại học, Cao đẳng jing tơdrong tơnap hăm unh hnam yă. Unh hnam jang mir, mu\k drăm tơnap tap, tơre\k ăn kon hơ ioh năm tơ\ plei tơm tih vă pơlong đại học, cao đẳng jing tơdrong tơnap tơpă. Mă lei, đơ\ng ro\ng kơ lơ xơnăm kon hơ ioh pơ ‘nam ho\k pơhrăm, ba ưh kơ adrin vă kon hơ ioh năm pơlong năng ah. Unh hnam đei 4 ‘nu kon, hlôi 3 ‘măng yă ‘nhăk kon năm pơlong Đại học, Cao đẳng, hram dôm tơdrong tơnap tap, hrat hr^n [ơ\t năm truh dôm plei tơm tih ăn kon hơ ioh năm pơlong. Yă Quý akhan, trong pơlong minh ‘măng kiơ\ xkơ\t Quốc gia ưh kơ adro# tơgu\m unh hnam da [iơ\ hoach kon jên vih vơ\t mă kăp g^t noh tơgu\m ăn kon dro\ nglo yă tơnăp hloh lơ\m tơdrong xkơ\t ho\k pơhrăm ăn kơdih po:“Hăm akhan athei mơ\ng kiơ\ nơ\r hăp [iơ\. Hăp xkơ\t pơm thoi yơ noh pơm thoi ăi, oei kiơ\ kơ tơdrong ho\k hăp noh le\ch tơ\ ‘ngoaih ưh kơ xđơ\ng jơhngơ\m, pơlong ưh kơ ke\ noh hiong 3 xơnăm ho\k mă ưh kơ đei bằng tốt nghiệp. Me\ axong kon pơlong tơje# hnam, vă che\p kjăp lơ\m ti đei bằng tốt nghiệp ‘mơ\i. Xơnăm âu noh pơlong Quốc gia, đe mon mă kiơ\ đe noh ho\k thoi yơ mă ke\ kơnh gô ưh kơ đei bằng tốt nghiệp ôh”.

Jing minh lơ\m hloh 3.000 ‘nu ho\k tro lăm 12 kơ dêh char Kon Tum chih măt pơlong tơ\ tơring kơ dêh char Gia Lai, oh Nguyễn Thị Út Trinh, hnam tơ\ kueng kpho# 3, phường Nguyễn Trãi, plei tơm Kon Tum ăn tơbăt, dôm tơdrong tơplih ‘nao kơ ‘măng pơlong trung học phổ thông pơm ăn kơ oh lui ngeh vă pơm kiơ\ tơdrong po hơpơi kơlih tơdrong unh hnam Út Trinh noh tơnap tap. Mưh năm pơlong Đại học, Cao đẳng nhen dôm xơnăm adrol ki noh hoach kon jên lơ dêh. Xơnăm âu năm pơlong ataih đơ\ng hnam je# 50 kxo#, điểm pơlong đei xkơ\t xek mơ\t ho\k Đại học, Cao đẳng jing minh tơdrong hiôk tih tên hăm oh: “Năm tơ\ Pleiku pơlong noh inh gô đei hơyak tơnăp hloh, đei lơ tơdrong rơih ho\k. Tơdrong jang ning mônh kơnh inh gô gơh chă rơih tơnăp hloh mơ\n tơ\ Kon Tum. Pơlong tơ\ Kon Tum noh ba adro# gơh xek tốt nghiệp đe\ch. Inh gô kiơ\ ho\k Sư phạm sử tơ\ hnam trưng Đại học Sư phạm Huế”

Kiơ\ kơ [ok thây Hồ Thân Em, Kdră hnam trưng Trung học phổ thông Lê Lợi, plei tơm Kon Tum, tơdrong ako\p ‘măng pơlong tốt nghiệp Trung học phổ thông păng io\k mơ\t ho\k Đại học, Cao đẳng jing minh noh pơm trong hiôk hloh. Hơdăh noh hơto\k tơdrong hiôk lơ\m tơdrong pơtho kơ hnam trưng. Đe oh ho\k tro đei xkơ\t hơdăh găh khei năr ning nai kơnh. {ok thây Hồ Thân Em xkơ\t, ‘măng pơlong Trung học phổ thông Quốc gia adro# duh pơih lơ trong hiôk rơih ho\k ăn ho\k tro: “Hăm minh kơ tơdrong pơlong đei lơ trong rơih thoi âu. Đe oh duh gơh năm truh Gia Lai pơlong vă xek tốt nghiệp răh păng xek mơ\t ho\k tơ\ dôm hnam trưng Đại học, Cao đẳng. Oei khul oh nai noh pơlong tơ\ Kon Tum, đe oh đei xek tốt nghiệp, ‘ngoaih kơ noh oei kiơ\ tơdrong ho\k po lơ\m 3 xơnăm ho\k vă rơih mơ\t ho\k tơ\ dôm hnam trưng Đại học, Cao đẳng đei tơdrong rơih ho\k adro# dăh mă mơ\t ho\k tơ\ dôm hnam trưng trung cấp, ho\k tơdrong jang tro\ [lep hăm tơdrong po ‘meh vă, tơdrong ke\ ho\k đơ\ng rim ‘nu oh. Hăm tơdrong pơgơ\r pơlong thoi âu noh ho\k tro ưh kơ gan hoach lơ jên. Tơdrong hiôk tih hloh ning mônh [ơ\t đei điểm pơlong noh đe oh adoi gơh gơnơm lơ\m [ai pơlong vă rơih hnam trưng ho\k, ho\k găh tơdrong jang kiơ vă tro\ [lep hăm kơdih po”.

Lan chih păng rapor