VOV4.Bahnar - Hăm ako\p đ^ đăng hơ găt te\h 40.000 hec tar, Kon Tum jing tơ ring đei hơ găt te\h [um [lang să hlo\h pơ têng hăm dôm de#h char lơ\m tơ ring Tây Nguyên. Kơ loăi ‘long ‘nâu ku\m jing tơ mam io\k yua g^t kăl đơ\ng dôm j^t rơ bâu u\nh hnam dơ nu\h hin păng vă je# dơ nu\h hin tơ\ tơ ring. Mă lei sơ năm ‘nâu yua đơ\ng tơ drong te\ch tơ le\ch tơ\ te\h đak đe [ôt [um [lang tơ [ơ\p mơ mat tat kơ na rim an^h jang mơ dro sa răt io\k [um [lang hăm kơ jă re\h, pơm ăn bơ ngai pơ tăm [um [lang lo#h păng đei hơ mơt kơ hiong Têt. 

Mă đơ\ng to\k bo\k lơ\m khei ‘năr tơm ro# te\ch, mă lei 6 hnam kơ măy pơm tơ le\ch [ôt [um [lang tơ\ dôm apu\ng: Ngọc Hồi, Đak Tô, Đak Hà păng Sa Thầy tơ\ de#h char Kon Tum adoi pơm tơ lôch păh lăp. Kơ jă răt io\k [um [lang hơ dr^h đơ\ng dôm hnam kơ măy lăp đơ\ng 1.200 hlak jên tru\h hlo\h 1.300 hlak jên 1 k^, to\ se\t hlo\h lơ\m 2 sơ năm kơ âu.

{ok Huỳnh Nam Giang, Pho\ Kơ dră vei lăng Ko\ng ti ot pơm [ôt [um [lang Tây Nguyên- Đak Hà tơ roi tơ băt: tơ drong tơm hơ nhăk tru\h tơ drong an^h jang mơ dro sa athei pơm tơ le\ch păh lăp păng răt io\k tơ mam hăm kơ jă re\h ‘no\h j^ yua đơ\ng tơ drong te\ch [ôt [um [lang tơ\ Trung Quốc, an^h răt io\k tơm pă gan lơ: “Sơ năm ‘nâu găh Thái Lan [um plei lơ, đe pơ tăm hăm kơ măy kơ mo\k ‘nao tăm, kơ jă pơm tơ le\ch to\ se\t kơ na đe te\ch [um [lang tôch kơ re\h jing Việt Nam bơ\n ku\m athei te\ch re\h kiơ\ đe\ch bơ\ih. Dang ei kơ jă [ôt hơ [o Trung Quốc tôch kơ re\h. Rim hnam kơ măy đoa io\k [ôt [um [lang đơ\ng bơ\n pơm tơ mam vă pơm tơ le\ch io\k [ôt hơ [o tơ pl^h vă pơm tơ le\ch. Hrei ‘nâu hnam kơ măy bơ\n răt [um [lang găh lơ răt ‘no\h pơ vei vă kơ kon pơ lei đe đei jên đe sư sa Têt, đe sư đei an^h te\ch đe\ch, mă oei bơ\n dang ei ư\h kơ te\ch đei”.

Đei dơ\ng 1 pơ yan [um [lang ư\h kơ đei yua hăm kon pơ lei jang chu\n mir Kon Tum

Hăm kơ jă răt io\k [um [lang đơ\ng 6 hnam kơ măy lăp đơ\ng 1.200 hlak jên tru\h hlo\h 1.300 hlak jên 1 k^ nhen hrei ‘nâu, bơ ngai pơ tăm [um [lang tơ\ Kon Tum băt hơ dăh lo#h dăh mă pu\ “ io\k ko\ng pơm lơi”. {ok Lê Anh Cường, plei Đak B’rông, xăh Chư H’reng, pơ lei tơm Kon Tum tơ roi tơ băt, u\nh hnam tơ mơ\t jên jang pơ tăm 5 sao [um [lang, io\k đei loi 14 tân [um, lăp te\ch đei ăn bơ ngai răt hăm kơ jă 900 hlak jên 1 k^. Ưh kơ jo# jên tơ mơ\t jang, pho\ng, vei lăng păng năr ro# ‘nao tôm jên jang đe\ch.

Mă đơ\ng ưh kơ đei thim jên hơ yơ đơ\ng ro\ng 1 sơ năm jang gle\h hrat mă lei [ok Lê Anh Cường oei akhan, hnam nhôn oei pu\n pơ têng hăm lơ u\nh hnam nai lơ\m pơ lei: “Tơ pă yan âu đei dôm hnam te\ch kơ đei yua kơ đe sư pơ tăm tơ\ groi kông. Ko\ng ro#, ko\ng chơ jur ‘no\h ku\m đ^ hoach hlo\h 1 puăt bơ\ih”.     

‘Nao io\k ư\h kơ tôm jên jang yua đơ\ng [um [lang tơ jur kơ jă re\h, kon pơ lei pơ tăm [um [lang tơ\ de#h char Kon Tum oei athei pu\ hiong hơ dro#, hiong 2 păh yua đơ\ng ư\h kơ đei gre chơ kơ na đei bơ ngai răt pơ joă kơ jă. Tơ\ tơ ring dôm apu\ng hơ tăih kơ hnam kơ măy, nhen Kon Plông, Tu Mơ Rông, Đak Glei, kon pơ lei lăp te\ch đei [um [lang hăm kơ jă đơ\ng 800 tru\h 1.000 hlak jên 1 k^, [ơ\t lăp đei dôm tơ ring trong nơ năm mơ mat lăp te\ch đei đơ\ng 500 tru\h 700 hlak jên 1 k^. Tơ\ hơ năp tơ drong [um [lang tơ jur kơ jă, đei lơ kon pơ lei ư\h kơ ‘me\h ro# te\ch.

{ok Hoàng Nghĩa Trí, Pho\ kơ dră che\p kơ\l pơ gơ\r An^h vei lăng kon pơ lei apu\ng Đak Hà, tơ ring đei hlo\h 4.000hec tar [um [lang tơ roi tơ băt:: “Jên tơ mơ\t jang tru\h io\k yua sư lăp măh [lep jên jang đe\ch, mă tam mă đei lơi kiơ o#h kơ na kon pơ lei đe sư ku\m tôch kơ mơ mat tat, mă loi ‘no\h j^ tơ\ Đak Hà tơ ring pơ tăm [um [lang tơm ‘no\h j^ kon pơ lei kon kông. Kơ jă te\ch thoi âu, dang ei tơ dăh đe sư ư\h kơ ro# te\ch tơ drong ar^h sa đe sư gô mơ mat tat tat mă lei ro# io\k vă te\ch ‘no\h kon pơ lei ku\m kơ gan ‘me\h yua kơ ư\h kơ đei lơi”.  

Hnam kơ măy tăh tơ mam [e\nh an^h mă ư\h kơ gơ\h te\ch

J^ tơ mam io\k yua g^t kăl kơ dôm j^t rơ bâu u\nh hnam dơ nu\h hin păng vă je# dơ nu\h hin tơ\ de#h char Kon Tum, tơ drong sơ năm ‘nâu [um [lang tơ jur kơ jă to\k bo\k pơm ăn ar^h sa kơ kon pơ lei huo\ng lơ\m tơ drong mơ mat tat. Ku\m hăm tơ drong kon pơ lei ư\h kơ đei jên sa Têt, khu\l kơ dră rim tơ ring kơ de#h char Kon Tum oei đei dôm tơ drong bơ ngơ\t nai t^h hlo\h dơ\ng, ‘no\h j^ tơ drong dôm bơ ngai tơ ge\ch yua [ơ\t kon pơ lei tơ [ơ\p mơ mat tat asong jên to\k io\k hăm jên lơi lơ, dăh mă io\k jên răt hơ drol tơ mam drăm cho\h jang sa hăm kơ jă tôch kơ re\h; đang kơ ‘no\h dôm tơ drong pơm glăi, nhen tơ tông kle\, sir io\k tơ mam drăm lơ\m te\h glăi pă jor gô đei [o#h.

{ok Nguyễn Văn Hùng, Kơ dră an^h vei lăng kon pơ lei xăh Chư H’reng, pơ lei tơm Kon Tum tơ roi tơ băt: “Bơ ngơ\t tôch kơ lơ tơ drong, mă kăl ‘no\h tơ\ âu đei dôm pơ lei kon kông păng jo# hloi bơ ngai yuăn, dôm pơ lei pơ mơ\ng lơ\m cho\h ạng sa. Tơ mam drăm đơ\ng cho\h jang sa tơ jur kơ jă [ơm ư\h kơ ‘lơ\ng tru\h tơ drong ar^h sa kơ kon pơ lei tôch kơ lơ. Sư gô hơ nhăk tru\h lơ tơ drong pơ t^h gia nhen pơm glăi tơ pôl ku\m gô đei [o#h. Xăh ku\m tôch kơ tơ tăm”.

Băt hơ dăh đei ‘no\h j^ ‘long pơ tăm kơ kon pơ lei dơ nu\h hin, lăp hăm tơ drong hlo#h vao cho\h pơ tăm đơ\ng kon pơ lei mă loi ‘no\h j^ kon pơ lei kon kông, lơ\m dôm sơ năm âu ki hơ găt ‘long [um [lang tơ\ de#h char Kon Tum ư\h kơ đei pơ dơ\h pơ\ih xă. Dang ei ‘ngoăih kơ hlo\h 40.000hec tar [um [lang dang ei đei, tơ ring to\k bo\k hơ drin jang kiơ\ tơ pl^h 1 hơ găt chu\n na [a đak hơ nơ\ng đei to\ phang jing pơ tăm kơ loăi ‘long ‘nâu. Mă lei tơ\ hơ năp tơ drong oei athei pu\ dơ\ng dôm pơ yan [um [lang gư\h kơ đei kơ jă, jing kon pơ lei hlôi pă gan bơ ngơ\t hăm [um [lang âu.

Thuem tơ blơ\