VOV4.Bahnar - Pơ gê ‘năr 15/12, Ko\ng an de#h char Dak Lak pơ gơ\r le#h tơ le\ch linh bơ\ jang chă dru\h rôp pơm glăi, vei sơ đơ\ng Hop ako\m Đảng lơ\m te\h đak ‘măng mă 13, [ơ\t hơ drol, lơ\m păng đơ\ng ro\ng Têt nguyên đán Tân Sửu 2021.

Rup năr pơm le#h tơ le\ch jang

Tơ\ jơ pơm le#h, Đại tá Lê Văn Tuyến – Kơ dră vei lăng ko\ng an de#h char Dak Lak hlôi tơ le\ch tơ drong tơ chơ\t păng pơ jao ăn kơ rim khu\l linh, an^h jang kơ Ko\ng an 15 apu\ng, thị xăh, pơ lei tơm lơ\m ‘măng bơ\ jang chă dru\h rôp pơm glăi khei ‘năr pơ gơ\r hop ako\m Bơ ngai tang măt lơ\m te\h đak ‘măng mă 13 kơ Đảng, [ơ\t hơ drol, lơ\m păng đơ\ng ro\ng Têt nguyên đán Tân Sửu 2021.

Kơ dră vei lăng Ko\ng an de#h char Dak Lak pơ ma hơ dăh, ‘măng pơ gơ\r linh bơ\ jang ‘măng âu, pơ đ^ khu\l linh kăl kơ tu\n pran tơ drong jang chă dru\h rôp rim khu\l gru\p pơm glăi, tang găn đei yua dôm trong bơ\ jang đơ\ng bơ ngai pơm glăi.

Thuem: Tơ blơ\