VOV4.Bahnar- Ko\ng an de#h char Dak Nông ‘nao pơ gơ\r tơ drong jang plang song pham tơ gu\m sơ năm 2020. ‘Nâu j^ ‘măng mă 2 lơ\m sơ năm ‘nâu Ko\ng an de#h char Dak Nông jang hơ dai hăm rim an^h jang tơ le\ch tơ drong jang plang song pham do\ng bơ ngai, sơng io\k đei tơ drong ako\m plang song đơ\ng lơ lap kang [o# khu\l linh.

Kơ plăh plang song pham, rim khu\l linh oei vei sơ đơ\ng hơ tăih băl vă tang găn j^ Covid-19

Ko\ng an de#h char Dak Nông tơ băt, jang kiơ\ nơ\r krao hơ vơn đơ\ng Tổng Bí thư, kơ dră te\h đak Nguyễn Phú Trọng, an^h jang hlôi tơ le\ch jang pran kơ tang tơ drong jang plang song pham tơ gu\m păng io\k đei tơ drong vang ch^h măt đơ\ng hlo\h 1500 ‘nu kang [o# khu\l linh. Kang [o#, khu\l linh pơm kiơ\ tơ păt tơ drong gom mu\h măt tơ\ an^h lơ bơ ngai păng pơm kiơ\ dôm nơ\r pơ tho vă tang găn j^ hơ bu\h Covid-19.

Thuem: Tơ blơ\