VOV4.Bahnar  -  ‘Năr brei, ‘năr 29/1, Ko\ng an de#h char Dak Lak pơ gơ\r pơm le#h k^ pơ kăp tơ drong tơ chơ\t jang hơ doi vei lăng sơ đơ\ng tơ\ rim tơ drong tơm mu\k drăm, ch^nh tr^, jo\h ayo\ tơ pôl g^t kăl yua đơ\ng Khu\l linh răp gak vei lăng. Kiơ\ kơ Đại tá Hồ Bắc, Kơ dră an^h jang kanh sat vei lăng păng tơ gu\m tư phap, Ko\ng an de#h char Dak Lak, tơ drong k^ pơ kăp tơ drong tơ chơ\t jang hơ doi mă hơ dăh hăm rim an^h jang vă jang kiơ\ ‘lơ\ng hlo\h dơ\ng tơ drong jang vei lăng sơ đơ\ng ăn kơ rim tơ drong tơm, pơm lăp hăm tơ drong ‘me\h vă sơ nong jang lơ\m chăl hle, mă loi ‘no\h j^ sơ năm ‘nâu pơ gơ\r lơ tơ drong jang kăl t^h kơ te\h đak păng kơ de#h char Dak Lak, mă loi ‘no\h j^ hop ako\m đảng rim tơ ring yak tru\h hop ako\m Đảng lơ\m te\h đak ‘măng mă 12.

Bơngai tơblơ\ nơ\r: Thuem