VOV4.Bahnar - ‘Năr 26/7, Anih tơm pơ gơ̆r khŭl linh păng kŏng an pơ lei tơm Hồ Chí Minh vang tơ lĕch jang hơ dai bơ̆ jang kiơ̆ hơ năp jang dăr joang, vei lăng tơ drong jang kiơ̆ rim tơ drong hơ găt găh tang găn jĭ hơ buh lơ̆m tơ ring. Kiơ̆ kơ ‘noh rim khŭl linh tơ lĕch jang hơ dai đơ̆ng 4 jơ kơ sơ̆ ‘năr  26/7/2021 păng bơ̆ jang prăt năr prăt măng tơ̆ 12 hơ nih răp găn, hơ nih mơ̆t lĕch păng 90 hơ nih răp găn rim tơ ring tơm. 450 ‘nu kang ƀô̆ khŭl linh găh Trung đoàn Gia Định păng Tiểu đoàn vei lăng khŭl linh 31, Anih tơm pơ gơ̆r khŭl linh pơ lei tơm Hồ Chí Minh jang hơ dai hăm kơ hrĕng kanh sat vei lăng trong nơ năm, tơ drong yoch, 113 păng cơ động găh Kŏng an pơ lei tơm Hồ Chí Minh vă hơ tŏk loi dơ̆ng hơ nih răp găn păng hơ tŏk tơ drong dăr joang vei lăng lơ̆m rim jăl trong. ‘Măng jang hơ dai bơ̆ jang âu, kang ƀô̆, khŭl linh ƀô̆ đô̆i tơ gŭm khŭl linh kŏng an lơ̆m tơ drong athei bơ ngai, gre dơ̆ng tŏk bŏk kơ dâu tơ̆ trong, hơ len lăng dôm tơ drong kơ tơ̆ng ang vă băt hơ dăh găh ƀlep grŭp, bơ ngai, gre đei ăn phep bơ̆ jang lơ̆m khei ‘năr pơm kiơ̆ tơ drong tơ chơ̆t 16; tơ dăh chă ƀôh pơm glăi ‘noh pơ ma dơ nuh hăm khŭl linh Kŏng an pơm hla ar ƀiên ƀan sek phak kiơ̆ tơ drong hơ găt đơ̆ng khôi luơ̆t.

Thuem: Tơ blơ̆