VOV4.Bahnar - Dôm năr âu, ja#p teh đak tơre\k tơbăt 70 xơnăm Cách mạng Khei 8 păng Quốc khánh 2/9, tơbăt tơdrong iung jing păng vơ\ pran đơ\ng lơ khul jang ch^nh tr^ - khul linh, tơgop ăn tơdrong keh kong kơ Cách mạng păng tơdrong tơ iung pơjing păng vei lăng teh đak ning mônh kơnh. Lơ\m kxo# noh đei khul Ko\ng ang kon pơlei.

Anih jang vei xđơ\ng kon kông (PA90), Ko\ng ang dêh char Gia Lai jing minh anih jang kăp g^t, đei tơ iung pơjing ăh xơnăm 2004, hăm xơnong jang kơ minh anih jang hơlen, vă dăh [ôh băt, tang găn păng pơm tơpăi tơdrong pơhlu\ pơhlôm đơ\ng khul ayăt kne#. Jang kiơ\ xơnong jang tơm lơ\m dôm tơring tơnap tap, tơ\ dôm pơlei pơla ataih yaih mă lei kang [o# linh lơ\m anih jang hơnơ\ng adrin yak hloh tơnap tap vă keh đang tơnăp xơnong jang po.

Kang [o# linh lơ\m anih jang xkơ\t, ho\k pơhrăm păng pơm kiơ\ đon bơnôh dơnưp đơ\ng [ok Hồ noh athei tơguăt hăm dôm xơnong jang đei pơjao păng athei hơdăh hăm dôm tơdrong jang kiơ\ pơkăp “3 tơguăt, 4 atu\m”, noh tơguăt hăm kon pơlei, tơre\k hăm tơring, tơre\k hăm bngai păng atu\m oei xa, pơm jang, atu\m pơma nơ\r kon kông hăm kon pơlei. Thượng tá Đặng Văn Lợi, Pho\ kdră pơgơ\r anih jang PA90, Ko\ng ang dêh char Gia Lai tơroi:“ Đơ\ng ro\ng kơ ako\m jang ăh xơnăm 2004, anih jang âu đei xơnong jang nhen minh anih hơlen. Noh, adrol hloh, jăl kdră kpal athei băt hơdăh pơtho kang [o# linh lơ\m anih jang hlôh vao hơdăh păng jang tơnăp kiơ\ đon bơnôh dơnưp đơ\ng nhâp [ok Hồ, tơguăt hăm tơdrong juăt jang, Vă xek tơlang tơdrong pơhlu\ pơhlôm, pơchut\ pơdôr đơ\ng khul ayăt kne#, io\k tơpôl bngai kon kông lơ\m tơring, xơnong jang kơ anih jang noh trăp tr^n, mă lei ưh kơ hli kơ tơnap tap”

Pha hăm tơring ataih yaih, plei tơm Pleiku jing anih hơnơ\ng đei tơdrong pơm yoch lơ\m tơpôl, lơ tơdrong pơm yoch đei [ôh tơnap tap. Vă tơjră đei jơnei hăm dôm tơdrong pơm glăi âu kăl đei dôm bngai pơgơ\r jang rơgei, kh^n păng nuih mơng. Trung tá Hoàng Văn Huân, Kdră Khul kanh sát hơlen tơdrong pơm yoch găh vei xđơ\ng tơpôl, Ko\ng ang plei tơm Pleiku đei lăng jing minh ‘nu kdră mơlôh, rơgei lơ\m rim tơdrong iung tơjră kne#. ‘Nho\ng atu\m hăm khul gru\p jing he# ayăt hăm dôm bngai kle\ tơtông brơ\t tơmam drăm đe. Trung tá Hoàng Văn Huân tơroi: “Tơpă noh, nhôn hơnơ\ng tơre\k hăm dôm tơdrong ưh kơ [lep lơ\m tơpôl, roi năr dôm bngai pơm glăi roi khenh, klenh kne# hli hlơt hăm tơpôl. Yuơ noh, rim tơdrong jang nhôn athei kơchăng tôch dêh, nhôn xkơ\t kho\m mă keh đang tơnăp xơnong jang hăm rim tơdrong đei pơjao hơdăh”

Atu\m hăm khul linh mơlôh pơ ‘nam hăm tơdrong jang, lơ\m khul Ko\ng ang Gia Lai oei đei lơ bngai jang rơgei tơnăp plang đ^ jơhngơ\m po ăn tơdrong jang. Thượng tá Nguyễn Viết Hợp, Pho\ kdră Lăm jang Kanh sát hơlen tơdrong pơm yoch lơ\m tơpôl (PC45) jing minh ‘nu jang rơgei. Jo# truh dang ei, Thượng tá Hợp hlôi đei 32 xơnăm jang kánh sát hình sự. ‘Nho\ng ăn tơbăt, tơdrong jang kanh sát hình sự roi pơm ăn kơ ‘nho\ng tơguăt kjăp hloh. Tơdrong chă [a trui tơdrong yoch noh hrat păng hli hlơt mă lei hăp hlôi hram lơ\m xe\ch pham, noh jing tơdrong tơguăt jang păng jing tơdrong erih. Jo# hloi ăh tong ane# kơmăng dăh mă ‘mi kial, mưh đei tơdrong kiơ pơm yoch lơ\m tơpôl noh bngai linh jang hình sự athei yak hloi. Thượng tá Nguyễn Viết Hợp tơroi: “32 xơnăm đơ\ng năr mơ\t jang truh dang ei inh tơguăt hăm anih jang Kanh sát hình sự. Tơdrong tơm noh pơm thoi yơ vă hơlen, [ôh băt dôm tơdrong glăi, jang tơnăp tơdrong tang găn glăi vă vei xđơ\ng ăn tơdrong erih kon pơlei. Hăm kơchư\k jang Pho\ b^ thư chi bộ, Pho\ kdră Lăm jang, kơdih po inh xkơ\t athei jang tơnăp xơnong tơgu\m ăn Bí thư păng Kdră Lăm jang vă tơle\ch jang ăn kang [o# linh ho\k pơhrăm tơnăp dôm tơdrong hơvơn, mă hăt noh tơdrong hơvơn ho\k pơhrăm păng pơm kiơ\ đon bơnôh dơnưp đơ\ng nhâp [ok Hồ Chí Minh, yuơ tơdrong erih xđơ\ng xơnêp xơnoa păng jơnap ăn kon pơlei”

Găn ga 70 xơnăm tơ iung pơjing, iung tơjră păng vơ\ pran, Ko\ng ang Gia Lai hlôi jang tơnăp xơnong jang tơm lơ\m vei xđơ\ng tơpôl ch^nh tr^, vei xđơ\ng tơpôl erih xa tơ\ tơring. Lơ\m 5 xơnăm kơ âu, khul Ko\ng ang Gia Lai hlôi hơlen pơm hơdăh je# 3.000 tơdrong glăi hình sự, tơkêng hloh 6.400 ‘nu bngai pơm yoch, rôp păng hơvơn le\ch ku\p kơ\l yơ\r ti hăm pơhlom 600 ‘nu mă đe tơbang chă rôp, lơ\m noh, đei 78 ‘nu pơm yoch hli hlơt. Tơdrong ho\k pơhrăm păng pơm kiơ\ 6 tơdrong kăl mă {ok Hồ pơtho Ko\ng ang kon pơlei to\k bo\k oei đei pơtoi lơ\m khul Ko\ng ang Gia Lai tơle\ch jang lang xă vă keh đang dôm xơnong jang đei Đảng, teh đak păng kon pơlei pơjao. Đại tá Phạm Văn Chẩn, Pho\ kdră khul Ko\ng ang dêh char Gia Lai tơroi: “Vă pơtoi che\p vei tơdrong đei jơnei lơ\m dôm xơnăm kơ âu păng jang kiơ\ tơnăp nơ\r {ok Hồ pơtho Ko\ng ang kon pơlei noh lơ\m khei năr truh, tơdrong ho\k pơhrăm păng pơm kiơ\ 6 tơdrong kăl mă [ok Hồ pơtho athei pơtoi đei tơle\ch hơnơ\ng, pơjing tơdrong pơlong hăt hot lang xă lơ\m khul jang. Păng tơdrong pơm kiơ\ đei tơdrong pơgơ\r kơtă đơ\ng dôm jăl jang, jơnu\m pơgơ\r tơring. Atu\m hăm noh đei tơdrong hơlen, tơgu\m đơ\ng kon pơlei vă Ko\ng ang hơnơ\ng tơgăl jing Ko\ng ang cách mạng, anih jang tơm kơ Đảng păng jing anih gơnơm lui ngeh ăn kon pơlei”

Pơm kiơ\ nơ\r pơtho đơ\ng [ok kdră Hồ Chí Minh, Ko\ng ang Gia Lai pơtoi che\p vei tơdrong juăt jue nuih mơng, xkơ\t kho\m mă tơgop vei xđơ\ng tơpôl teh đak, vei xđơ\ng xơnêp xơnoa ăn tơdrong erih kon pơlei.

Lan chih păng rapor