VOV4.Bahnar - Binh đoàn 15 lơ\m anih tơm linh jing anih linh jang mu\k drăm tơguăt hăm xơnong vei xđơ\ng tơpôl tơ\ tơring xơlam teh. Lơ\m dôm xơnăm kơ âu, kjă kxu tơjur, rim anih linh kơ Binh đoàn 15 hơnơ\ng xkơ\t vei xđơ\ng tơdrong erih ăn bngai jang noh mă blu\ng, mă kăl noh hăm kon pơlei kon kông tơ\ tơring Tây Nguyên. Yuơ tơdrong jang ko\ng nhơ\n kxu lơ\m pơyan ‘mi kôih kơtăk ăh kơmăng, noh tơdrongvei lăng ho\kpơhrăm hăm kon hơ ioh,mă kăl noh hơ ioh oei ho\k lăm mầm non tơjra#m lơ tơnap tap. Vă xek tơlang tơdrong mă âu, dôm j^t xơnăm kơ âu, Binh đoàn 15 hlôi pơkăp axong jang găh pơtho jăl mầm non lơ\m ja#p anih linh. Đơ\ng lơ xơnăm pơm jang, tơdrong pơtho jăl mầm non kơ Binh đoàn hlôi pơjing đon lui ưh kơ adro# hăm kang [o# bngai jang tơ\ ko\ng ti, mă hăm kon pơlei tơ\ tơring hloi.

       To\k bo\k ăh tong ane# pơyan kôih io\k kơtăk kxu, noh đơ\ng 5 jơ pơgê hrôih, kô pơtho Đinh Thị Quy păng dôm j^t kô pơtho nai tơ\ hnam trưng mầm non năr 18-4, Ko\ng ti 72, Binh đoàn 15 truh tơ\ lăm đơ\ng 5 jơ pơgê xơng ho\k tro vă me\ [ă đe ye\t năm jang. Kô Quy ăn tơbăt, pơtho jăl mầm non jing tơdrong jang hrat, lơ tơnap tap, mă lei pơm jang lơ\m anih linh jang mu\k drăm nhen Binh đoàn 15 noh tơnap tap hơto\k lơ hloh. Kơlih jơ năm pơtho ưh kơ x^ jơ nhen pơkă, mă đei jo# kiơ\ jơ bơ\ jang kơ bngai jang. Yuơ noh, khul kô pơtho tơ\ âu athei hơmet tơdrong jang hnam atu\m hăm noh athei jang tơnăp tơdrong vei lăng ‘mêm kơ eng đe mon nhen kon kơdih po noh mă ke\ tơguăt đunh đai hăm tơdrong jang po. Kô pơtho Đinh Thị Quy ăn tơbăt: “Yuơ tơdrong jang đơ\ng ko\ng ti, noh me\ [ă ho\k tro năm jang đơ\ng pơgê hrôih pho\ noh đơ\ng 2 jơ kơmăng. Mă lei tơ\ dôm hnam rong hơ ioh, kô pơtho athei hơmet jang đơ\ng 5 jơ pơgê truh 6 jơ kxơ\. 5 jơ pơgê, kô pơtho athei năm truh anih tơ\ lăm axong jang, xơng đe mon đơ\ng 5 jơ pơgê, prăt năr oei tơ\ lăm truh ăh 6 – 7 jơ kơmăng pơtơm bro\k”

     Duch Đặng Thị Lan, Kdră hnam trưng  mầm non năr 18-4 ăn tơbăt, dang ei, hnam trưng đei 18 anih pơtho, hăm 136 kô pơtho păng vei lăng hloh 1200 ‘nu ho\k tro mâu yăo đơ\ng 3 truh 5 xơnăm. Tôm ho\k tro kơ hnam trưng noh kon hơ ioh kang [o#, bngai jang tơ\ ko\ng ti. Vă vei xđơ\ng tơdrong ho\k pơhrăm tơnăp hloh ăn kon hơ ioh bngai jang, yơ\ng âu ki, Ko\ng ti hlôi axong kơ tih hlak jên man lăm ho\k kjăp ‘lơ\ng, atu\m hăm noh tơgu\m jên xa, jên răt tơmam yua, pơxuh vă ho\k tro gơh đei ho\k pơhrăm păng ato\k hơ iă tơnăp hloh. Duch Lan tơroi:“100% đe mon đei oei xa prăt năr tơ\ hnam trưng. Dôm anih pơtho mă lăm kơdra#m ho\k tro jat noh đei đơ\ng 4 truh 5 ‘nu kô pơtho vei rong. Ko\ng ti hlôi axong jên man minh pôm hnam pai go\ noh đe kô pơtho jang kiơ\ pơkăp vă pai xa ‘me ăn đe mon, hnam trưng chih ako\m pơkăp xo\ng xa mă [lep hăm rim khei, rim [lon, kiơ\ pơyan dơ\ng, noh vei xđơ\ng tôm măh kơchơ\t ‘lơ\ng ăn hơkâu jăn đe mon”

         Vă vei kjăp ‘lơ\ng ăn tơdrong pơtho ho\k pơhrăm, tôm 136 kô pơtho tơ\ hnam trưng hlôi đei axong năm ho\k jăl trung cấp, sơ cấp mầm non ngăl. Rim xơnăm, ‘ngoaih kơ đei axong ho\k kiơ\ tơdrong pơkăp pơtho pơhrăm, kô pơtho tơ\ âu oei năm ho\k lăm pơhrăm yuơ Binh đoàn pơih pơtho găh vei rong hơ ioh ie\. Dôm xơnăm kơ âu, gơnơm đơ\ng jang tơnăp, pơ ‘nam adrin kơ ‘nôh, hnam trưng pơjing đei đon lui ưh kơ adro# hăm bngai jang tơ\ ko\ng ti, mă hăm kon pơlei tơ\ tơring hloi. Đại tá Nguyễn Đình Giáp, Bí thư Đảng ủy ko\ng ti 72 ăn tơbăt:“Tơdrong hơlen đơ\ng apu\ng Đức Cơ, kơ dêh char Gia Lai, noh hơkâu jăn păng rim tơdrong đe mon adoi giơ\ng pran rơgei. Yơ\ng âu ki, đei mon 5 xơnăm to\k ho\k lăm 1, tôm adoi đei vei xđơ\ng. Kon pơlei tơ\ tơring âu adoi pơtruh kon hơ ioh ho\k lơ dêh. Mă lei yuơ tơnap tap, noh nhôn tam mă xơng pơtho ôh. Nhôn hơpơi noh, dôm jăl kpal tơre\k tơgu\m jên axong jang dơ\ng vă pơtoi tơdrong pơtho ho\k jăl mầm non tơ\ tơring”

         Atu\m hăm tơdrong jang khul linh kon pơlei tơguăt băl jang tơ\ ja#p tơring oei jang, noh tơdrong pơtho ho\k jăl mầm non tơ\ âu jing minh tơdrong bơ\ng pang hơdăh găh tơdrong jang tơre\k tơvei tơdrong erih ăn bngai jang tơ\ Binh đoàn 15, lơ\m Anih tơm linh kơ teh đak.

Lan chih păng rapor