VOV4.Bahnar – Dôm năr kơ âu, plei tơm Buôn Ma Thuột, dêh char Đăk Lăk hơnơ̆ng ƀôh lơ bơngai ƀơm jĭ Covid -19, tơrĕk hloh noh, kơsô̆ bơngai ƀơm jĭ lơ̆m tơpôl đei jê̆ tong anê̆ lơ̆m kơsô̆ bơngai ƀơm jĭ.

          Vă tơjur tơdrong hrat ăn anih pơkăp oei tơklăh minh ƀôt păng dôm Hnam pơgang hơmet jĭ Covid -19, plei tơm Buôn Ma Thuột hlôi pơkăp oei tơklăh F1 tơ̆ hnam păng hơmet dôm trong pơkăp hơmet jĭ ăn F0 tơ̆ hnam. Adrô̆ jô̆ đơ̆ng blŭng khei 11 truh dang ei, plei tơm Buôn Ma Thuột hlôi đei  500 'nu ƀơm jĭ Covid -19, lơ̆m noh đei 200 'nu đei ƀôh lơ̆m pơlei pơla. Lơ̆m năr 8/11 plei tơm Buôn Ma Thuột đei ƀôh 123 'nu bơngai ƀơm jĭ, lơ̆m noh 81 'nu lơ̆m pơlei pơla, hơtŏk kơsô̆ bơngai ƀơm Covid -19 tơ̆ plei tơm Buôn Ma Thuột truh 1359 'nu. Hăm tơdrong tŏk lơ bơngai jĭ, plei tơm Buôn Ma Thuột hlôi pơkăp oei tơklăh tơ̆ hnam hăm dôm F1 mă đei tôm pơkăp đơ̆ng Anih tơm Y tê̆. Dang ei hlôi đei hloh 50 'nu F1 tŏk bŏk pơkăp oei tơklăh tơ̆ hnam. Lơ̆m năr 8/11, jô̆ atŭm jâ̆p dêh char Đăk Lăk đei 287 'nu ƀơm jĭ Covid -19, lơ̆m noh đei 127 'nu lơ̆m pơlei pơla. 'Nâu jing 'năr đei lơ kơsô̆ bơngai ƀơm jĭ hloh đơ̆ng xơ̆ truh dang ei.

Lan chih păng pơre nơ̆r