VOV4.Bahnar - Truh ăh khei 5, Gia Lai pơtôch pơyan ro\l kơtao xơnăm 2020 lơ\m tơdrong pơngơ\t tih tên, ăh kơtao ‘long adro# đei yua tong ane# pơtêng hăm dôm xơnăm adrol ki. Jing dêh char đei hơgăt teh pơtăm kơtao xă hloh tơ\ tơring Tây Nguyên, đei xơnăm truh kơ 40 rơbâu ha, cho\ng mă kơtao pơtoi ưh đei yua, hiong kơjă, io\k yua găh mu\k drăm rim xơnăm roi tơjruh jing tơdrong tơnap tap hăm dêh char.

{ok Nguyễn Hồng Phong, tơ\ kueng 3, phường An Phước, th^ xăh An Khê đei  1 ha kơtao ataih đơ\ng hnam kơmăi ro\l kơtao Khê dang 3km. Tơ\ hơla, ataih pơhlom 200 met noh dơnâu đak oei [enh blai, mă lei kơtao lơ\m mir noh tôch hal kơ đak, tơm kro krenh. {ok ăn tơbăt, hnam kơmăi đei tơdrong 1 triu hlj vă ruih đak ăn kơtao, mă lei kơso# jên âu ưh đei kăp g^t kiơ [ơ\t to# pơđang pơdui je# truh khei 8 lơ\m xơnăm. Kiơ\ [ok Phong, tơ\ An Khê dang ei, kon pơlei adro# kơche\ng truh tơdrong tơplih pơtăm hơdre\ch ‘long nai đe\ch: Lăng atu\m dang ei noh mir na hu\t pơđ^, pă đei bơngai ‘meh pơtăm bơih. Kơlih kơtao dang ei reh jat. Pơtăm kơtao dang ei noh ưh đei xa ôh.

Yă Huỳnh Thị Oanh, minh anih răt kơtao păng te\ch tơmam choh jang ăn kon pơlei tăp dăr th^ xăh An Khê ăn tơbăt, pơyan jang 2020 âu, hơgăt kơtao pơtoi tơjur yuơ lơ bơngai jang mir ưh đei yua, tơplih pơtăm kơtao hăm hơdre\ch ‘long pơtăm nai, lơ\m kơplăh noh to\ xe\t bơngai rei pơtăm hơdre\ch ‘nao. Kiơ\ kơ yă Oanh, đei yua hloh 70 ta#n truh hloh 100 ta#n kơtao 1ha tơ\ tơring An Khê, hlôi jing tơdrong đunh đai xơ\ bơih. Dôm pơyan jang tơje# âu, kơtao đei yua mă lơ noh tơ\ hơla 50 ta#n. Kơtao ăh blu\ng pơyan, lơ hơgăt adro# đei 20 ta#n minh ha, pơm ăn kon pơlei lôh tôch lơ: Minh ha 20 ta#n, ưh kơ jo# jên hơpăh đe koh păng pơdu\ oei đei yua 10 triu hlj. Lơ\m kơplăh noh, axong jang lơ\m 1 ha, adro# jên pơchoh teh noh 7 triu hlj bơih. Jên răt hơdre\ch 10 triu hlj, jên pho\ng 9 triu hlj... Thoi noh lôh bơih, kơlih axong jang đ^ [ar pêng j^ triu hlj tam mă jo# jên hơpăh đe choh ‘nhe\t.

Hăm hloh 3000 ha, tơje# hnam kơmăi ro\l kơtao, th^ xăh An Khê lăng kơtao noh ‘long pơtăm tơm. ‘Long pơtăm tơm âu to\k bo\k oei tơjur găh kơjă mu\k drăm lơ\m dôm pơyan jang tơje# âu. Kiơ\ kơ [ok Phan Vĩnh Tấn, Pho\ kơdră Anih jang Mu\k drăm th^ xăh, pơyan kơtao 2020, hăm tơdrong pơyua 25 truh 30 ta#n 1ha, kơjă mu\k drăm đơ\ng kơtao hlôi tơjur hloh. Lơ\m khei năr truh, tơring duh tam mă đei trong jang yơ hăm ‘long pơtăm âu, mă lei xơkơ\t trong jang noh kon pơlei gô adrin tơplih hơdre\ch ‘long pơtăm, hơmet tơdrong răm hăm jên đei yua đơ\ng dôm hơdre\ch ‘long pơtăm ‘nao: Lơ\m tơbang đơ\ng th^ xăh An Khê noh lơ\m khei năr truh, dôm hơgăt teh tơnap tap găh đak ruih noh duh oei pơtăm kơtao. Oei dôm hơgăt yơ mă măh đak ruih noh nhôn pơkăl kon pơlei tơplih hơdre\ch ‘long pơtăm ‘nao nhen ‘nhot, ‘long xa plei, ‘long pơm pơgang.

Kiơ\ kơ [ok Nguyễn Hoàng Phước, Pho\ Kơdră pơgơ\r găh hơto\k tơmam drăm, hnam kơmăi ro\l kơtao An Khê, tơm kơtao [ơm tơnap tap pơtoi lơ\m 3 pơyan jang âu ki, yuơ tơdrong răm đơ\ng to# phang pơđang păng tơring te\ch răt. Truh pơyan ro\l kơtao xơnăm 2020, kơjă x^k to\k kăp, kơjă kơtao truh 850 rơbâu hlj 1 ta#n noh tơring pơtăm tơmam jang ăn hnam kơmăi oei pă 22 rơbâu ha, 25% lơ\m kơso# noh ưh giơ\ng, noh ưh đei yua. Kơtao ‘long lơ\m pơyan jang tơjur tong ane#. {ok Nguyễn Hoàng Phước akhan, vă kơjă mu\k drăm kơ tơm kơtao gơh vei xơđơ\ng, athei pơgơ\r jang kiơ\ pơkăp mir na xă, jang hăm kơmăi kơmo\k. Mă lei tơdrong âu oei tơjra#m tơhlăk tơhl^n ưh hiôk vă xek tơlang: Tơnap hloh noh hơgăt teh pơtăm răh rai, hơgăt ie\ păng teh groi, noh tam mă đei tơdrong jang hadoi kơjăp đơ\ng tơring hăm hnam kơmăi, tam mă pơkăp hơdăh rim tơring, rim xăh vă pơjing mir na xă.

Anih jang mu\k drăm ‘meh atu\m hăm kon pơlei pơm jang ako\m tih xă, mă lei tơring hơvơn tơplih hơdre\ch ‘long pơtăm, hơ ‘nhăk hơgăt [ônh găh đak ruih vă pơtăm hơdre\ch ‘long pơtăm nai, pơm ăn tơring teh pơtăm kơtao [ơm tơpăi. Gô chang anih jang mu\k drăm pơkăp hơdăh ăn tơm kơtao, tam mă lai yơ đei io\k jơnei. Ưh gơh pơm jang tih, ako\m, jang kiơ\ trong ‘nao, tơm kơtao tơ\ Gia Lai, mă đei hơgăt xă tih hloh Tây Nguyên, mă lei pơyua roi xơnăm roi kơđeh, pơm hơto\k tơdrong hu\t le# kơtao vă pơtăm ‘long xa plei păng pơtăm [um [lang, pơm ăn hơgăt ‘long pơtăm âu roi năr roi to\k tenh, pơm ăn tơdrong rơhiu\ng rơhiăng găh tơdrong choh pơtăm tơ\ Gia Lai.

Lan chih păng rapor