Kiơ̆ kơ ‘noh, teh tơdrŏ đei jăng 2.8 độ đei kơmăy kơ anih jang roi tơƀăt teh tơdrŏ păng khan lê̆ hơdrol đak poh yă đei chih iŏk ƀơ̆t 10 jơ 19 pơ nĭt tơ̆ anih đei toạ độ 14.924 độ vĩ Bắc - 108.252 độ kinh Đông. Teh tơdrŏ tơ̆ hơla teh jrŭ dang 8.1 km, vă akhan ưh kơ đei krê hơmơt.

La kak teh tơdrŏ tơ̆ Kon Tum

Anih jang roi tơbăt teh tơdrŏ păng khan lê̆ hơdrol đak poh yă - Anih jang Vật lý Địa cầu oei tŏk bŏk hơnơ̆ng răp hơlen lăng teh tơdrŏ âu. Hơdrol ‘noh, kŭm tơ̆ apŭng Kon Plông, dêh char Kon Tum, ‘năr 24/10, kơmăy đơ̆ng Anih jang roi tơbăt teh tơdrŏ păng khan lê̆ hơdrol đak poh yă - Anih jang Vật lý địa cầu kŭm hlôi đei iŏk tơtil 2 ‘măng teh tơdrŏ jăng 2.5 păng 3.4 độ đei ƀôh tơ̆ âu.