Kơtă lơ̆m gre treng kơdâu hrĕnh, kơdră chĕp kơ̆l dôm anih pơm trong gre treng Trung Quốc tơroi hrĕnh ăn Tổng Bí thư, Kơdră teh đak Tô Lâm găh tơdrong jang tŏk đơ̆ng anih jang găh gre treng Trung Quốc. Kiơ̆ kơ 'nŏh, rim trong gre treng oei kơdâu tơ̆ Trung Quốc kơjung truh 165.000 km. Lơ̆m noh, trong gre treng kơdâu hrĕnh dang 54.000 km, dơ̆ng hơdrol lơ̆m apŭng plenh teh păng iŏk đei hlŏh 70% kơsô̆ kơjung đơ̆ng trong gre treng lơ̆m plei teh.

Tơƀôh đon hơiă găh tơdrong jang tŏk pran đơ̆ng anih jang găh gre treng kơdâu hrĕnh Trung Quốc, Tổng Bí thư, Kơdră teh đak Tô Lâm hơpơi 'meh 2 teh đak hơnơ̆ng tưk tơiung tơdrong jang hơdoi, pơm tơƀưh trong gre hăm băl, đei hloi trong gre treng, yoa tơdrong jang tŏk rơgŏh 'lơ̆ng păng tŏk pran kơ teh đak. Ƀok athei, kơdră chĕp kơ̆l anih jang pơm trong gre treng păng dôm anih jang kơ Trung Quốc roi tơƀôh dôm tơdrong kăl păng tơgŭm, vang jang hơdoi hăm Việt Nam mưh ming man, pơjao kơmăy kơmŏk ăn dôm trong gre treng gĭt kăl tơ̆ Việt Nam.