Tổng Bí thư, Kơdră teh đak bơ̆n Tô Lâm sơng Ƀĭ thư Quảng Tây, Trung Quốc
Thứ sáu, 10:15, 17/04/2026
Lan chih tơblơ̆
Lan chih tơblơ̆
VOV.Bahnar – Kơmăng năr 16/4, tơ̆ pơlei tơm Nam Ninh, Tơring pơgơ̆r kơdih Choang Quảng Tây, Trung Quốc, lơ̆m 'măng năm tơmang Kơpal truh Trung Quốc, Tổng Bí thư, Kơdră teh đak bơ̆n Tô Lâm hlôi sơng ƀok Trần Cương, Kơdră Ƀan châ̆p hanh Trung ương Đảng Cộng sản Trung Quốc, Ƀĭ thư Đảng uy, Kơdră Hơnih jang kơpal kơ Kuô̆k hô̆i Tơring pơgơ̆r kơdih Choang Quảng Tây.
Tơ̆ jơ pơma dơnuh, Tổng Bí thư, Kơdră teh đak bơ̆n Tô Lâm hơpơi 'meh Quảng Tây pơtoi răk vei đon bơnôh tơbôl, iŏk yua tơdrong hiôk gah tơring teh tơjê̆, chĕp vei tơdrong yuk hơlou, hơtŏk gah tơguăt jang hơdoi hăm dôm tơring kơ Việt Nam.
Ră hơdah Việt Nam jĭ teh đak tơjê̆ tơguăt, jang hơdoi kăp gĭt kơ Quảng Tây, Ƀĭ thư Trần Cương sơkơ̆t hơdah Đảng ƀô̆, jơnŭm pơgơ̆r Tơring pơgơ̆r kơdih Quảng Tây kăp gĭt lăng tơdrong jang tơbôl hăm dôm tơring kơ Việt Nam; gô pơtoi yuk hơlou lơ̆m tơdrong hlôh vao, jang tôm tơdrong, tơnăp lơ̆m tơdrong kăp gĭt pơgơ̆r đơ̆ng đe kơdră kơpal kơ 2 Đảng, 2 teh đak, tơgop kơhret kơjăp tơdrong hơpeh hơpong, jang hơdoi đơ̆ng Trung Quốc păng Việt Nam.
Viết bình luận