Tơ̆ jơ pơm lêh, dôm bơngai tang măt đei mơ̆ng Phŏ Kơdră teh đak adrol ki, Kơdră Trung ương Khul pơtrŭt hŏk pơhrăm Việt Nam Nguyễn Thị Doan tơroi truh tơdrong juăt ‘lơ̆ng mưh pơtrŭt hŏk pơhrăm: Đŏk hla ar vă pơm tơplih đon tơchĕng, hŏk vă jang tŏk lơ̆m chăl jang hăm kơmăy sô̆ pơvih ăn kon pơlei, vă hơtŏk đon hlôh vao, tơƀôh trong ăn kăn ƀô̆, linh găh kơjă kăp gĭt đơ̆ng đŏk, hŏk iŏk tơdrong rơgei đơ̆ng kon bơngai lơ̆m chăl ‘nao hrei ‘nâu.

Lơ̆m jơ pơm lêh, Phŏ Kơdră  teh đak Võ Thị Ánh Xuân kŭm hăm dôm bơngai tang măt kăt che pơih blŭng ăn Năr kơsơ̆p hla ar đŏk păng tơdrong juăt chă đŏk hla ar lơ̆m khul linh Công an kon pơlei hăm hơnăn: “Công an kon pơlei pơm kiơ̆ nơ̆r Ƀok Hô pơtho-Tơplih ming đon tơchĕng-Hơtŏk đon hlôh vao-Bơ̆ jang rơgei, tơnăp ‘lơ̆ng-Yoa Đảng, yoa Kon pơlei”./.