Kiơ̆ kơ noh, teh kôch đơ̆ng Hơnih pơm trong kơdou hrĕnh Khánh Hoà – Buôn Ma Thuột pơhlom 30.000 m³, dang ei oei akŏm ah hơnih kơsô̆ 4 (xah Vụ Bổn). Tơdrong iŏk teh tơ̆ ou vă hơtŏk gơng vih vơ̆t Krông Bông đei rơih kơlih trong kơđeh pơtêng hăm dôm hơnih akŏm nai. Dang ei rim hơnih jang đei tơrĕk tŏk bŏk oei pơm keh đang hla bar pơkăp vă hơtuch khei 4 ou, rim hơnih asong ming man gô kôch hơtŏk teh păng man pơkăp. Gơng vih vơ̆t Krông Bông oei lơ̆m tơdrong Asong ming man hơnih oei xa sơđơ̆ng ăn kon pơlei kơdou sơlah tơ̆ xah Vụ Bổn (apŭng Krông Pắk so).

Gah kơ̆l gơng hlôi keh đang đơ̆ng hơtuch sơnăm 2023. Mă lei, yuơ ƀơm tơhlăk minh ƀar unh hnam kon pơlei tam mă yông oei hơnih nai păng ưh đei teh hơtŏk trong năm truh gơng noh truh dang ei gơng tam mă keh đang tơmơ̆t yua. Tơ-'ngla iŏk ming man atŭm hăm jơnŭm pơgơ̆r tơring tŏk bŏk oei hơmet tơhlăk tơhlĭn, vă asong vih vơ̆t kiơ̆ gơng ou đơ̆ng khei 6 sơnăm ou.