Tơdrong kĭ pơkăp vă hơtŏk tơplih kơmăi kơsô̆ tôm tơdrong, pơjing jơhngơ̆m pran vă hơtŏk mŭk drăm – tơpôl kơ dêh char Đăk Lăk lơ̆m jăl 'nao. Kiơ̆ tơdrong kĭ pơkăp, 2 pah akŏm jang hơdoi lơ̆m dôm tơdrong jang tơm đei hơtŏk jơnŭm pơgơ̆r tơring kơmăi kơsô̆, hơnih jang kơmăi kơsô̆, mŭk drăm kơsô̆ păng tơpôl kơmăi kơsô̆. Tơdrong tơm noh pơtơm jơnŭm pơgơ̆r điê̆n tưh, trong jang sek tơlang hla bar hanh chĭnh, hơnih pơgơ̆r jang gơh hơgei.

MobiFone pơkăp gô jang hơdoi hăm dêh char Đăk Lăk pơtơm Tơdrong jang 06 đơ̆ng Jơnŭm pơgơ̆r teh đak păng Tơchơ̆t 57 đơ̆ng Hơnih tơm Chinh trĭ, tơgop pơm trong hơgei gah khua hŏk kŏng ngê̆, tơplih 'nao gơh hơgei păng tơplih kơmăi kơsô̆ tơ̆ tơring. Ƀok Đỗ Hữu Huy, Kơdră Hơnih jang vei lăng kon pơlei dêh char Đăk Lăk ăn tơbăt, tơdrong kĭ pơkăp jang hơdoi pơjing trong jang drơ̆ng minh gah tơplih kơmăi kơsô̆ lơ̆m jơ̆p dêh char.