VOV4.Bahnar - Năr ‘nâu (08/07), hŏk tro lơ̆m teh đak yak mơ̆t lơ̆m năr pơ long mă 2, kŭm jing năr pơ long hơ tuch kơ ‘măng pơ long tốt nghiệp trung học phổ thông sơ năm 2022. Tơ̆ pơ gê, đe hŏk tro pơ long ƀai pơ long Khoa học tự nhiên, dăh mă Khoa học xã hội, tơ̆ kơ sơ̆ pơ long ƀai Nơ̆r teh đak đe. Dôm ƀai pơ long âu kiơ̆ trong gơ var ngăl. Kiơ̆ tơ roi tơ băt hrĕnh đơ̆ng Anih tơm vei lăng găh pơ tho pơ hrăm, lơ̆m năr pơ long blŭng a hăm 2 môn pơ long Ngữ văn păng Toán, kơ sô̆ hŏk tro năm pơ long iŏk đei kơ sô̆ hloh 99%. Kơ sô̆ hŏk tro F0 ‘noh 79 ‘nu đơ̆ng 20 Jơ nŭm pơ long. Lơ̆m noh, đei 18 ‘nu hŏk tro năm pơ long, 61 ‘nu hŏk tro ưh kơ năm pơ long. Mă đơ̆ng thoi noh ră, hlôi đei 22 ‘nu hŏk tro pơm glăi tơ drong pơ kăp đei ưh kơ ăn pơ long, lơ̆m noh đei 05 ‘nu hŏk tro hơ nhăk ba păng lăng hla ar lơ̆m lăm pơ long, 17 ‘nu hŏk tro chĕp ba điên thoăi lơ̆m lăm pơ long. Ưh kơ đei kang ƀô̆ hơ yơ pơm glăi tơ drong pơ kăp.

Thuem: Tơ blơ̆