Lăp đơ̆ng rŏng mơ̆ng nơ̆r tơgop găh hơmet ming tơmơ̆t dơ̆ng mĭnh ƀar trong vă pơjing Khôi luơ̆t Thuê̆, Kơ iĕng Kơdră chĕp pơgơ̆r Kuô̆k hô̆i yă Nguyễn Thị Hồng tơbăt akhan, Hơnih bơ̆ jang Kuô̆k hô̆i hlôi drơ̆ng kăl dăr lăng, hơmet ming, tơmơ̆t dơ̆ng mĭnh ƀar apăng kơ rim Khôi luơ̆t Thuê̆: jang sa iŏk đei kơ rim bơngai, kơjă tơmam drăm, jang sa iok đei hơnih mơdro sa păng tĕch răt tơmam kăl vă tơlĕch jang kiơ̆ rim trong tơlĕch jang đơ̆ng Đảng găh tơplih rơgoh ‘lơ̆ng, tơplih jang ŭnh hơyuh, atok tơ iung mŭk drăm ŭnh hnam păng trong tơlĕch ăn tŏk mŭk drăm ƀar kơsô̆ tơklep kơjăp hăm sơđơ̆ng mŭk drăm. Adoi, sơđơ̆ng trong jang tơgum djru rim ŭnh hnam mơdro sa păng hơnih mơdro sa iĕ păng păh ai, atŏk kơtang tơdrong hơtŏ hơnơ̆ng, lei lăi dih băl lơ̆m tơdrong jang thuê̆, tơgop pơchoh trong răt yoa, pơtrŭt đei gre hoei pơm kơnê̆ cham char, pơm tơjur ‘nhui, lăng truh atok tơ iung kơjăp ‘lơ̆ng.