VOV4.Bahnar - Gơmăng năr 3/10, Hnam jŏh hơri Radiô Nơ̆r Pơma Việt Nam, 58 Quán Sứ, Hà Nội, Khŭl Pơm tơlĕch kơsơ̆p hla bơar tĕh đak iung jang hơdoi hăm Dơnŏ anĭh tơm vei lăng bơ̆ jang Kơtơ̆ng ang păng Pơre nơ̆r hăm Radiô Nơ̆r Pơma Việt Nam pơgơ̆r pơm lêh pôk ăn Tơmam hơpăh Kơsơ̆p hla bơar Tĕh đak ‘măng mă pơđăm. Tơmam hơpăh Kơsơ̆p hla bơar Tĕh đak ‘măng mă 5 đei 48 lơ̆m 57 Hơnĭh pơm tơlĕch vang pơlong. Khŭl chĕp pơgơ̆r Tơmam hơpăh Kơsơ̆p hla bơar tĕh đak ‘măng mă pơđăm hlôi drơ̆ng mĭnh nơ̆r pôk ăn tơmam hơpăh ăn 26 kơsơ̆p hla bơar, grŭp kơsơ̆p hla bơar, lơ̆m au đeu 1 tơmam hơpăh A, 9 tơmam hơpăh B păng 16 tơmam hơpăh C hăm rim tơdrong chĭh tơlĕch lơ̆m 5 tơdrong: Chĭnh trĭ, mŭk drăm; Khoa hŏk tư̆ nhiên păng kmăi kmŏk; Khoa hŏk xah hô̆i păng nhân văn; Oei sa, tơdrong tơroi hle păng Jŏh ayŏ kơdŏ soang,; Hơ iŏh. Tơmam hơpăh Kơsơ̆p hla bơar tĕh đak ‘nŏh jing tơmam hơpăh kơ Tĕh đak đei pơgơ̆r rim sơnăm, pôk tơmam hơpăh ăn rim kơsơ̆p hla bơar, grŭp kơsơ̆p hla bơar gĭt kăl hlŏh chĭh tơbăt găh jơhngơ̆m đon, tơdrong gơ̆h hơgei, tơdrong ‘lơ̆ng hơ iă, đei ƀơm ‘lơ̆ng kơtang trŭh kon pơlei pơla dăh mă vang tơgop kơtang lơ̆m bơ̆ jang, đei kon pơlei pơla chă răt lăng lơ, khŭl joăt jang hôn bơnê kơtang lơ̆m rim tơdrong jang.

VOV/Amazưt tơblơ̆ nơ̆r