VOV4.Bahnar - Kiơ̆ kơ anih bơ̆ jang kơ Anih pơ gơ̆r jang teh đak găh tang găn ‘mi kial pơ răm, jô̆ truh 5 jơ kơ sơ̆ ‘năr 3/4, ‘mi tih đak lơ̆p tơ̆  tơ ring tŏk bŏk hlôi pơm ăn 2 ‘nu lôch, 1 ‘nu hiong dong păng 5 ‘nu rơ ka. Mă hơ dăh ‘noh, ‘mi tih đak lơ̆p pơm tơ păk 2 tŏ hnam; 50 tŏ hnam đei tơ glơh pơ bŭng; 262 tŏ thŏng nan đei môch; dang 2 rơ bâu 600 hơ drao rong ka đei hiong răm; hloh 88 rơ bâu hek tar ƀa păng dang 17 rơ bâu hek tar ‘long pơ tăm đei đak lơ̆p, hiong răm. Hơ met pơ ‘lơ̆ng hiong răm đơ̆ng ‘mi kial, rim tơ ring hlôi tơ gơ̆r pơ choh đak tơ̆ng, đak och truh dang yơ yuă, iŏk truh dang noh, truh ‘năr 3/4, dôm dêh char Quảng Ngãi, Bình Định, păng Phú Yên hlôi yuă iŏk hloh 23 rơ bâu hek tar ƀa; hlôi iŏk hơ tŏk đei 171 tŏ thŏng nan. Anih bơ̆ jang kơ Anih pơ gơ̆r jang teh đak găh tang găn ‘mi kial pơ răm athei rim tơ ring hơ nơ̆ng tơ tĕnh hơ met pơ ‘lơ̆ng hiong răm; tơ gŭm kon pơ lei găh phe ƀa ưh kơ lê̆ ŭnh hnam hơ yơ đei pơ ngot kơ ƀăh. Hơ vơn khŭl jang tơ gŭm kon pơ lei pơm rơ goh cham char, hơ met ming hnam oei đei tơ glơh pơ bŭng, đak lơ̆p, jăh sơ đơ̆ng tơ drong arih sa kon pơ lei.

Thuem: Tơ blơ̆