Tơ̆ pơgê, Quốc hội pơma dơnuh găh Tơdrong tơchơ̆t đơ̆ng Quốc hội găh 1,2 trong jang, tơdrong tơgŭm hơtŏk tơiung joh ayŏ Việt Nam. ‘Nâu jĭ yak chih pơkeh dôm trong jang tơgŭm, pơm hơdăh ‘lơ̆ng trong jang đơ̆ng Đảng găh hơtŏk tơiung joh ayŏ kiơ̆ Tơdrong tơchơ̆t kơsô̆ 80 đơ̆ng Anih tơm Chĭnh trĭ.

Kŭm lơ̆m năr ‘nâu mơ̆n, Quốc hội gô pơma dơnuh tơ̆ hơnih hop akŏm tơm găh dôm Tơdrong tơchơ̆t đơ̆ng Quốc hội: găh pơjing pơlei tơm Đồng Nai kơ Trung ương; găh bơ̆jang kiơ̆ pơlong lăng luơ̆t sư teh đak; găh trong jang, tơdrong tơgŭm hơdrô̆ vă sek phak pơm glăi khôi luơ̆t găh teh đơ̆ng khŭl jang, rim bơngai đei ƀôh hơdrol kơ Luơ̆t teh sơnăm 2024 đei tơmơ̆t yua păng trong jang hơnơ̆ng hơmet pơ ‘lơ̆ng pơmat tat, tơhlăk tơhlĭn ăn rim tơdrong jang oei đei, pơdui đunh.