Hơnih jang vei lăng kon pơlei dêh char Lâm Đồng pơjao ăn Hơnih Choh jang xa păng Cham char, hơnih juăt jang kơ Khul pơm jang, chih akŏm Pơkăp pơm jang, tơdrong jang, chă dăr hơlen rim sơnăm, dăr hơlen ưh đei pơkăp kơ Khul pơm jang dăr hơlen, pơgơ̆r pơm jang. Dang ei kơsô̆ duk jang rôp you ka kơ dêh char Lâm Đồng noh 8.200 tong.

Tôm duk jang hlôi đei chih tơmơ̆t lơ̆m kơmăi Vnfishbase; hloh 90% duk jang ka hlôi đei asong hla bar gơh chă rôp you ka; duk jang ka ưh đei tôm pơkăp pơm jang noh 768 tong. Tơdrong jang vei lăng kơ khul jang ou 'noh dăr hơlen duk jang ka chă rôp you ka tơ̆ đak dơsĭ, vă tang găn duk jang ka vih vơ̆t glăi truh tơring đak dơsĭ kơ teh đak đe; rim duk jang ka ưh đei tôm pơkăp pơm jang hlôi đei akŏm chih hơnăn păng đei vei lăng kơjăp, ưh asong lĕch đơ̆ng dơnŏk duk chă rôp you ka.