VOV4.Bahnar - ‘Năr 7/6, Anih jang kanh sat dăr hơ len kơ Anih tơm vei lăng Kŏng an hlôi tơ lĕch tơ drong Tơ chơ̆t tơ kêng bơ ngai yoch, rôp kron Kơ dră so Anih tơm vei lăng găh jang pơ gang Nguyễn Thanh Long, Kơ dră so Anih vei lăng kon pơ lei pơ lei tơm Hà Nội Chu Ngọc Anh păng phŏ kơ dră so Anih tơm Khoa hŏk păng Kơ măy kơ mŏk Phạm Công Tạc vă dăr hơ len dôm tơ drong pơm glăi ƀơm truh Kŏng ti Việt Á hơ tŏk hoh kơ jă kit hơ len lăng Covid-19. Hơ drol ‘noh, pơ gê ‘năr 7/6, Kuôk hô̆i hlôi pơ drơ̆ng kiơ̆ tơ drong Tơ chơ̆t đơ̆ng Kuôk hô̆i găh tơ drong ưh pă ăn pơm bơ ngai tang măt Kuôk hô̆i jăl 15 hăm ƀok Nguyễn Thanh Long, Khŭl tang măt Kuôk hô̆i dêh char Vĩnh Long păng pơ drơ̆ng kiơ̆ tơ drong tơ chơ̆t đơ̆ng kuôk hô̆i kĭ ăn athei đơ̆ng Thủ tướng teh đak găh tơ drong kăt kơ chư̆k jang hăm Kơ dră Anih tơm vei lăng jang pơ gang jăl jang 2021-2026. Jơ nŭm pơ gơ̆r kon pơ lei pơ lei tơm Hà Nội jăl 16 kŭm hlôi pơ drơ̆ng ưh pă ăn pơm kơ dră Anih vei lăng kon pơ lei pơ lei tơm Hà Nội jăl 16, jăl jang 2021-2026 hăm ƀok Chu Ngọc Anh. Tơ̆ hơ năp tơ drong ‘nâu, lơ bơ ngai tang măt Kuôk hô̆i akhan, ‘nâu jĭ tơ roi dơ̆ng găh jơ hngơ̆m đon kang ƀô̆ păng 1 ‘măng dơ̆ng ăn ƀôh tơ drong jang tang găn sa pơ jĭp, ưh kơ ‘lơ̆ng “ ưh kơ đei hơ nih kơ̆m, ưh kơ đei lê̆ lon bơ ngai yơ”.

Thuem: Tơ blơ̆