VOV4.Bahnar - Kiơ̆ đơ̆ng Dơnŏ anĭh tơm vei lăng Hnam trương pơtho pơhrăm chĭh jô̆ găh tơdrong năm hok pơhrăm dơ̆ng kơ hŏk tro, sinh viên lơm tĕh đak, jô̆ trŭh đĭ năr 7/2, đei 53 lơ̆m 63 dêh char, pơlei tơm ăn hơ iŏh mâm non păng hŏk tro jăl kơ đĕh năm hŏk kơtă hloi đơ̆ng năr 7/2 trŭh năr 14/2/2022. Mă hơdăh khŭl mâm non păng jăl kơđĕh, đei 63 dêh char, pơlei tơm hlôi tơlĕch trong jang ăn hŏk tro năm hok kơtă lơ̆m khei 2/2022. Lơ̆m au đei 57 dêh char, pơlei tơm ăn 100% hŏk tro năm hŏk kơtă đơ̆ng năr 8/2. Khul jăl ƀar pêng, 63 dêh char, pơlei tơm hlôi ăn asong hŏk tro hŏk kơtă lơ̆m năr 7/2. Hăm Đăi hŏk, 100% rim hnam trương pơtho pơhrăm hlôi pơ prŏ trong ăn hŏk kơtă iŏk đơ̆ng năr 14/2 kơnh.

Tơblơ̆ nơ̆r: Amazưt