VOV4.Bahnar - Tơ̆ Hop akŏm ‘măng mă 5 Anih chĕp kơ̆l pơ gơ̆r Trung ương Đảng jăl XIII pơ gơ̆r blŭng ‘năr 4/5 păng tơ chĕng hơ drol pơ dui truh ‘năr 10/5, Tổng Bí thư Nguyễn Phú Trọng tơ băt, jang kiơ̆ Tơ drong jang sơ năm 2022 păng pơ tôch tơ̆ ‘măng hop akŏm mă 21 kơ Anih pơ gơ̆r jang Trung ương găh tang găn sa pơ jĭp, ưh kơ ‘lơ̆ng, Anih tơm Chĭnh trĭ pơ jao kơ Ban Nội chính Trung ương pơ gơ̆r, jang hơ dai hăm rim anih jang tơ tĕnh, tơ păt tơ chĕng hơ len, pơ jing Tơ drong jang pơ jing Anih pơ gơ̆r jang kơ dêh char găh tang găn sa pơ jĭp, ưh kơ ‘lơ̆ng. Kiơ̆ đơ̆ng tơ gop nơ̆r pơ jing tơ drong jang, hlôi đei đĭ đăng 63/63 anih jang đảng dêh char, pơ lei tơm drơ̆ng nơ̆r hăm trong jang pơ jing Anih pơ gơ̆r jang kơ dêh char găh tang găn sa pơ jĭp, ưh kơ ‘lơ̆ng. Tổng Bí thư Nguyễn Phú Trọng athei Trung ương tơ chĕng hơ len, ăn tơ gop nơ̆r păng tơ chơ̆t găh dôm nơ̆r apĭnh, tơ lĕch tơ roi lơ̆m Hla ar tơ roi đơ̆ng Anih tơm Chĭnh trĭ, mă loi ‘noh jĭ găh trong jang pơ jing Anih pơ gơ̆r jang kơ dêh char găh tang găn sa pơ jĭp, ưh kơ ‘lơ̆ng vă tơ gop pơm hơ tŏk loi dơ̆ng tơ drong chĕp kơ̆l, pơ gơ̆r tơ lĕch jang kiơ̆ kơ tang, hrơ̆ch 1 ‘măng đơ̆ng Trung ương truh tơ ring tơ drong jang tang găn sa pơ jĭp, ưh kơ ‘lơ̆ng đơ̆ng đĭ đăng đảng, đĭ đăng kon pơ lei,đĭ đăng lĭnh bơ̆n.

Thuem: Tơ blơ̆