VOV4. Bahnar - Tơlĕch jang kiơ̆ Tơdrong tơchơ̆t kơsô̆ 24 kơ Dơnŏ anĭh bơ̆ jang Kuôk hô̆i găh tơdrong hơnơ̆ng tơlĕch ăn kon jên tơgŭm djru hăm bơngai jang kiơ̆ Tơdrong tơchơ̆t 03 đơ̆ng Dơnŏ anĭh chĕp pơgơ̆r Kuô̆k hô̆i hlôi ba hô sơ ƀlep khei ‘năr pơkăp. Jô̆ trŭh dang ei, Ƀao hiêm Tơpôl 63 dêh char, pơlei tơm hlôi tơlĕch tơgŭm ăn hlŏh 243.000 ‘nu bơngai jang hăm kon jên ‘nŏh 689 ti hlak jên.Vă jang kiơ̆ tơtom, tĕnh koăng păng jơnei trong jang tơgŭm djru kiơ̆ Tơdrong tơchơ̆t kơsô̆ 24, Kơdră chĕp pơgơ̆r Dơnŏ anĭh Ƀao hiêm Tơpôl  Việt Nam Nguyễn Thế Mạnh hlôi pơrô̆ athei rim hơnĭh bơ̆ jang, Ƀao hiêm Tơpôl rim dêh char, pơlei tơm hơnơ̆ng dăr lăng hơlen kơ jăp tơdrong jang yan au tơlĕch tơnô̆ tơgŭm djru kiơ̆ ƀlep trong pơ prŏ jang; jang kiơ̆ tơdrong rơvơn kơ tơdrong jang kmăi kmŏk kơtơ̆ng ang Hơnĭh bơ̆ jang. ‘Ngoăih kơ ‘nŏh, Ƀao hiêm Tơpôl Việt Nam athei lăng kơ jăp tơbăt, pơrô̆ pơrôp vă bơngai jang hlôi năm ba hô sơ apĭnh sơng iŏk đei tơnô̆ tơgŭm djru ƀlep jơ ‘năr pơkăp đei sơng iŏk đei păng tơtom, ƀlep tôm păng tơpăt hơdăh.

Tơblơ̆ nơ̆r: Amazưt