VOV4.Bahnar - Hơ nơ̆ng ‘măng hop akŏm tơ drong jang Khôi luơ̆t khei 8, năr ‘nâu (17/8), Anih chĕp kơ̆l pơ gơ̆r Kuôk hô̆i ăn tơ gop nơ̆r găh hla ar chih tơ drong tơ chơ̆t tơ lĕch ăn tơ drong hơ găt ‘măng hop akŏm Kuôk hô̆i ( hơ met ming). Hla ar chih ming tơ drong tơ chơ̆t tơ lĕch ăn tơ drong hơ găt ‘măng hop akŏm Kuôk hô̆i ( hơ met ming) vă tơ gop pơ trŭt tơ drong jang đơ̆ng Kuôk hô̆i roi ‘năr roi hơ gei, ‘lơ̆ng păng hơ tŏk loi dơ̆ng tơ drong ‘lơ̆ng, đei yua dôm ‘măng hop akŏm Kuôk hô̆i. Dôm bơ ngai tang măt kŭm drơ̆ng nơ̆r vei tơ drong hơ găt tơ lĕch ăn dang ei găh jơ iung pơ ma tôch ai đơ̆ng bơ ngai tang măt Kuôk hô̆i ‘noh ưh kơ hloh 07 pơ nĭt vă pơm tơ drong hiôk ăn bơ ngai tang măt Kuôk hô̆i kơ chăng lơ̆m tơ drong hơ met ăn, vei sơ đơ̆ng jơ kơ chơ̆ng vă bơ ngai tang măt tơ roi tôm tơ drong pơ ma dơ nuh. Mă lei, bơ ngai pơ gơ̆r gơh hơ met jơ năr iung pơ ma đơ̆ng bơ ngai tang măt Kuôk hô̆i vă vei sơ đơ̆ng ‘lơ̆ng, đei yua pơ ma dơ nuh.

Thuem: Tơ blơ̆