VOV4.Bahnar - Hơ nơ̆ng tơ drong jang ‘măng hop akŏm mă 10, pơ gê ‘năr (19/4), Anih chĕp kơ̆l pơ gơ̆r Kuôk hô̆i ăn tơ gop nơ̆r lơ̆m tơ drong jang ‘măng hop akŏm mă 3, Kuôk hô̆i jăl 15. Kiơ̆ tơ chĕng hơ drol tơ drong jang ‘măng hop akŏm mă 3, Kuôk hô̆i hôp akŏm tơ̆ Hnam kuôk hô̆i. Mă lei oei đei răk hiă trong jang hôp trực tuyến mưh kăl. Tơ chĕng hơ drol akŏm jơ bơ̆ jang đơ̆ng Kuôk hô̆i ‘noh 20 năr. Kuôk hô̆i pơ gơ̆r blŭng a lơ̆m năr mônh, 'năr 23/5, tơ chĕng hơ drol pơ tôch lơ̆m ‘năr 17/6. Khŭl kơ dră teh đak athei kơ dŭn jơ năr tơ drong jang Luơ̆t teh ( hơ met ming) yua đơ̆ng lơ̆m kơ plăh pơ jing Luơ̆t hlôi đei ƀôh 1,2 tơ drong ‘nao kăl đei dơ̆ng jơ năr vă tơ chĕng mă hơ len. Kơ dră Kuôk hô̆i Vương Đình Huệ athei lăng kăl hơ tŏk ‘lơ̆ng tơ drong akŏm nơ̆r tơ gop đơ̆ng bơ ngai tang măt Kuôk hô̆i pơ ma dơ nuh tơ̆ grŭp păng hơ nih hop akŏm tơm; jang hơ dai, hơ met mă hơ len tơ drong jang găh tơ roi tơ băt, hla ar, khŭl chih kơ tơ̆ng ang, dôm tơ drong hiôk găh anih, tơ mam drăm, tang găn jĭ hơ buh, vă pơ vih pơ văn ‘lơ̆ng ăn ‘măng hop akŏm.

Thuem: Tơ blơ̆