VOV4.Bahnar - Pơ gê hei, tơ̆ Hnam Kuô̆k hô̆i, Anih chĕp kơ̆l pơ gơ̆r Kuô̆k hô̆i pơ gơ̆r apinh jet hăm 2 ‘nu bơ ngai jang lơ̆m Khul kơ dră tĕh đak. Adrol jơ apinh jet, bơ ngai tăh hla tôch hơ mĕng, đơ̆ng rŏng kơ apinh jet đang Khul kơ dră tĕh đak gô đei trong jang lăp ‘lơ̆ng, vei sơ đơ̆ng kơ jă đak xăng, đak dâu tơ̆ hơ năp kơnh kŭm nhen đei trong tang găn đe pơ gâm lơ̆m tơ drong tĕch mơ dro tĕh. 

Găh tơ drong pơm tơ lĕch, tĕch mơ dro đak xăng, đak dâu; tơ drong vei lăng kơ jă đak xăng, đak dâu khei ‘năr âu ki jĭ 1 lơ̆m 2 tơ drong đei Anih chĕp kơ̆l pơ gơ̆r Kuô̆k hô̆i rơih vă apinh jet ƀok Kơ dră vei lăng jang kơ măy, tĕch mơ dro Nguyễn Hồng Diên. Hơ năp jang păng trong tang găn đe pơ gâm lơ̆m tơ drong tĕch mơ dro tĕh, pơm ăn kơ jă tĕh tŏk hlŏh tơ drong vă xa pơ gâm ăn kơ dih tơ̆ dôm tơ ring... ‘nŏh jĭ tơ drong đei Anih chĕp kơ̆l pơ gơ̆r Kuô̆k hô̆i rơih vă apinh jet hăm ƀok Kơ dră vei lăng tơ mam drăm păng cham char Trần Hồng Hà. Jơ aping jet đei pơ gơ̆r tơ̆ Hnam hôp Diên Hồng, lơ̆m Hnam Kuô̆k hô̆i păng đei pơih pơ dăh tơ păt truh 63 Khul tang măt Kuô̆k hô̆i tơ̆ dôm dêh char, plt găh trung ương.

Dơ̆ng: Tơ blơ̆