VOV4.Bahnar - Hơ nơ̆ng ‘măng hop akŏm tơ drong jang khôi luơ̆t, pơ gê hei (23/09) Anih chĕp kơ̆l pơ gơ̆r Kuôk hô̆i ăn tơ gop nơ̆r găh hla ar chih tơ lĕch jang dăr hơ len hơ dăh păng tơ drong jang dôm hla ar chih tơ roi tơ băt đơ̆ng khŭl dăr hơ len kơ Kuôk hô̆i găh “ Tơ drong hơ vơn, iŏk yua dôm kon jên tơ mam pơ yua ăn tơ drong jang tang găn jĭ Covid-19; tơ drong jang kiơ̆ trong jang tơ gŭm, khôi luơ̆t găh jang pơ gang tơ ring, pơ gang tang găn hiă”. Tơ̆ ‘măng hop akŏm mă 3, Kuôk hô̆i hlôi yơ̆r ti pơ drơ̆ng kiơ̆ tơ drong tơ chơ̆t găh pơ jing Khŭl dăr hơ len “ Tơ drong hơ vơn, vei lăng păng iŏk yua dôm kon jên tơ mam pơ yua ăn tơ drong jang tang găn jĭ Covid-19; tơ drong jang kiơ̆ trong jang tơ gŭm khôi luơ̆t găh jang pơ gang tơ ring, pơ gang tang găn hiă. Tơ drong tơm dăr hơ len ‘noh jĭ lăng năng jơ nei iŏk đei, tam mă ‘lơ̆ng, mơ mat tat, tơ hlăk tơ hlĭn, băt hơ dăh tơ drong tơm pơm ăn, tơ ƀôh rơ đăh hơ năp jang đơ̆ng rim anih jang, khŭl jang, kơ dih lơ̆m tơ drong hơ vơn, vei lăng păng iŏk yua dôm kon jên tơ mam pơ yua ăn tơ drong jang tang găn jĭ Covid-19; jang kiơ̆ trong jang tơ gŭm khôi luơ̆t găh jang pơ gang tơ ring păng pơ gang tang găn hiă. Hơ dai hăm apĭnh hơ tŏk ‘lơ̆ng iŏk yua hơ vơn, vei lăng păng yua dôm kon jên tơ mam tang găn jĭ; jang kiơ̆ trong jang tơ gŭm, khôi luơ̆t găh jang pơ gang tơ ring, pơ gang tang găn hiă păng jang pơ keh trong jang tơ gŭm, khôi luơ̆t đei ƀơm truh.

Thuem: Tơ blơ̆