VOV4.Bahnar - Hơ nơ̆ng bơ̆ jang lơ̆m hop akŏm găh luơ̆t khei 8, pơ gê 18/8, hăm đĭ đăng bơ ngai tang măt drơ̆ng nơ̆r, Anih chĕp kơ̆l pơ gơ̆r Kuô̆k hô̆i hlôi drơ̆ng nơ̆r ăn Tơ drong tơ chơ̆t sek phak jên hăm tơ drong glăi tang găn tơ drong tơ kêng tơ hlâu. Tơ drong tơ chơ̆t chih hơ dăh, hăm tơ drong pơm glăi tang găn tơ drong tơ kêng tơ hlâu, roi tơ băt tơ drong glăi ưh kơ trŏ; roi tơ băt tơ drong srĕp oei dăr hơ len; tơ drong găn trong bơ ngai tang măt đơ̆ng anih jang, khul grŭp păng rim bơ ngai vang tơ kêng tơ hlâu…

Tơ drong tơ chơ̆t sek phak jên hăm tơ drong tang găn tơ drong tơ kêng tơ hlâu đei chih, mưh kăn ƀô̆, bơ ngai jang ăn tĕh đak, bơ ngai găh khul linh kon pơ lei, Công an kon pơ lei, bơ ngai jang tơ drong jang kăl bơ̆ jang găn trong tơ drong tơ kêng mưh oei bơ̆ jang ăn tĕh đak păng tơ drong pơm glăi ‘nŏh ƀơm truh tơ drong jang ăn tĕh đak ‘nŏh ưh đei sek tơ lang kiơ̆ luơ̆t găh sek phak jên mă athei sek kiơ̆ tơ drong hơ găt đơ̆ng luơ̆t găh kăn ƀô̆, bơ ngai jang kơ tĕh đak păng dôm tơ drong hơ găt nai đơ̆ng khôi luơ̆t đei ƀơm truh.

Dơ̆ng: Tơ blơ̆