VOV4.Bahnar - Hơ nơ̆ng tơ drong jang ‘măng hop akŏm mă 9, ‘năr 14/3, ăn tơ gop nơ̆r lơ̆m pơ tôch jang tơ drong jang chă iŏk nơ̆r hơ pơi ‘meh đơ̆ng kon pơ lei khei 2/2022, Anih chĕp kơ̆l pơ gơ̆r Kuôk hô̆i athei Khŭl kơ dră teh đak,  Thủ tướng teh đak bơ ngơ̆t truh, athei găn ƀiơ̆ tơ drong “ sa pơ gơ̆m kiơ̆” kơ jă đak xăng đak dâu tŏk. Bơ ngai tăh hla lăng ‘lơ̆ng tơ drong mơ̆t jang tơ tom đơ̆ng Kuôk hô̆i tơ̆ hơ năp tơ drong đak xăng đak dâu hơ nơ̆ng kơ tŏk kơ jă, ƀơm ưh kơ ‘lơ̆ng tih truh jang sa, tơ drong arih sa kơ kon pơ lei. Tơ drong kơ jă đak xăng, đak dâu tŏk dui kiơ̆ kơ jă đơ̆ng lơ tơ mam, pơ vih pơ văn nai tŏk pơm ăn tơ drong arih sa, jang sa kơ kon pơ lei tơ ƀơ̆p mơ mat tat. Anih chĕp kơ̆l pơ gơ̆r Kuôk hô̆i athei Khŭl kơ dră teh đak athei Anih tơm vei lăng găh kơ măy kơ mŏk mơ dro sa, Anih tơm vei lăng jên hu păng dôm anih tơm, anih jang ƀơm truh đei trong jang vei lăng đei yua kơ jă tơ mam, pơ vih pơ văn mưh jang kiơ̆ hơ met ming kơ jă đak xăng đak dâu, găn ƀiơ̆ tơ drong sa pơ gơ̆m kiơ̆ kơ jă đak xăng đak dâu tŏk nhen hrei ‘nâu; bơ ngơ̆t truh, đei trong jang tơ gŭm ăn kon pơ lei păng anih jang mơ dro sa.

Thuem: Tơ blơ̆