VOV4.Bahnar - Pơ gê ‘năr 15/2, tơ̆ Hnam Kuôk hô̆i, pơ gơ̆r ‘măng hop akŏm ‘măng mă 8, Anih chĕp kơ̆l pơ gơ̆r Kuôk hô̆i. Pơ gơ̆r đơ̆ng ‘năr 15 truh ‘năr 17/02, tơ̆ ‘măng hop akŏm âu, Anih chĕp kơ̆l pơ gơ̆r Kuôk hô̆i ăn tơ gop nơ̆r lơ̆m lơ tơ drong gĭt kăl. Ăn tơ gop nơ̆r lơ̆m Luơ̆t kanh sat cơ động, rim bơ ngai tang măt tơ tăm mưh luơ̆t tơ chơ̆t kanh sat cơ động gơh mơ̆t lơ̆m anih jang, khŭl jang, hơ nih oei kơ rim bơ ngai. Hăm bơ ngai mơ̆t lơ̆m anih jang tang măt jang tơ bôl, anih jang tang măt teh đak đe, anih jang tang măt anih jang apŭng plĕnh teh... athei pơm kiơ̆ tơ chơ̆t đơ̆ng khôi luơ̆t Việt Nam păng tơ chơ̆t apŭng plĕnh teh. Pơ ma tơ̆ jơ hop akŏm, Kơ dră Kuôk hô̆i Vương Đình Huệ athei khŭl linh kanh sat cơ động kăl hơ tŏk ‘lơ̆ng tơ drong jang ‘lơ̆ng tôm, tơ tĕnh, tơ jră hăm hơ nih tơ tŏ. Kơ dră Kuôk hô̆i Vương Đình Huệ kŭm athei hơ met ăn khŭl linh âu tơ̆ dôm tơ ring tơm. Vei sơ đơ̆ng tơ drong pơ gơ̆r drơ̆ng 1 nơ̆r lơ̆m pơ truh khŭl linh kanh sat cơ động.

Thuem: Tơ blơ̆