VOV4.Bahnar - Hơ nơ̆ng tơ drong jang ‘măng hop akŏm mă 9, pơ gê ‘năr 15/3, Anih chĕp kơ̆l pơ gơ̆r Kuôk hô̆i drơ̆ng nơ̆r tơ mơ̆t dơ̆ng jên jang kơ teh đak, jên tơ gŭm đĕch đơ̆ng teh đak đe sơ năm 2021 vă vei sơ đơ̆ng măh mai jên tơ lĕch jang. Tơ̆ ‘măng hop akŏm, Kơ dră Kuôk hô̆i Vương Đình Huệ tơ băt, kiơ̆ kơ Luơ̆t jên jang teh đak, rim jên tơ gŭm đĕch tơ dăh đei hiong, brăh brư ‘noh hơ năp jang đơ̆ng anih jang vei lăng teh đak. Kơ dră Kuôk hô̆i pơ ma hơ dăh jên tơ gŭm đĕch athei hơ len lăng jên jang păng gơh jang đơ̆ng Kuôk hô̆i. Kơ dră Kuôk hô̆i kŭm athei tơ klăh hơ drô̆ vắc-xin Covid-19 lĕch đơ̆ng jên tơ gŭm păng tơ mơ̆t lơ̆m tơ drong jang đơ̆ng jô̆ hơ len jên jang teh đak. Năr ‘nâu, (16/3), Anih chep kơ̆l pơ gơ̆r Kuôk hô̆i ‘măn 1 năr vă pơ gơ̆r apĭnh jet păng tơl nơ̆r apĭnh jet 2 ‘nu bơ ngai jang lơ̆m Khŭl kơ dră teh đak. Kơ dră Anih tơm vei lăng găh kơ măy kơ mŏk, mơ dro sa Nguyễn Hồng Diên păng Kơ dră Anih tơm vei lăng găh tơ mam drăm păng cham char Trần Hồng Hà gô tơl nơ̆r apĭnh jet blŭng a đơ̆ng Anih chĕp kơ̆l pơ gơ̆r Kuôk hô̆i jăl 15.  

Thuem: Tơ blơ̆