VOV4.Bahnar - Pơ gê ‘nâu (19/9), tơ̆ Hà Nội, Anih chĕp kơ̆l pơ gơ̆r Kuô̆k hô̆i pơ gơ̆r hop akŏm găh khôi luơ̆t khei 9. Pơ gơ̆r lơ̆m 4 năr, tơ̆ hop akŏm âu, Anih chĕp kơ̆l pơ gơ̆r Kuô̆k hô̆i tơ gop nơ̆r ăn lơ tơ drong kăl, lơ̆m nŏh đei Luơ̆t tĕh (oei chih hơ met), trong tơ gŭm hơ drô̆ vă atŏk tơ iung pơ lei tơm (plt) Buôn Ma Thuột kơ dêh char Dak Lak păng 1,2 luơ̆t nai hai vă tơ roi ăn Kuô̆k hô̆i lơ̆m hop akŏm mă 4, pơ gơ̆r lơ̆m khei 10 truh.

Anih chĕp kơ̆l pơ gơ̆r Kuô̆k hô̆i hop akŏm găh khôi luơ̆t khei 9

Lơ̆m hop akŏm âu mơ̆n, Anih chĕp kơ̆l pơ gơ̆r akŏm tơ gop nơ̆r găh 5 kơ luơ̆t vă ăn Kuô̆k hô̆i tơ gop nơ̆r ‘măng mă blŭng đei: Luơ̆t tĕch mơ dro hăm điên tư (oei chih hơ met); Luơ̆t kơ jă (oei chih hơ met); Luơ̆t HTX (oei chih hơ met); Luơ̆t rơih anih iŏk jang (oei chih hơ met); Luơ̆t tĕh (oei chih hơ met). Atŭm hăm ‘nŏh, tơ gop nơ̆r ăn tơ drong tơ blang, chih iŏk, hơ met ming găh Luơ̆t khăm, hơ met jĭ (oei chih hơ met) păng tơ gop nơ̆r (‘măng mă 2) găh Luơ̆t tang găn kơ kon pơ lei.

Dơ̆ng: Tơ blơ̆