VOV4.Bahnar - Hơ nơ̆ng bơ̆ jang lơ̆m hop akŏm mă 10, pơ gê ‘nâu (25/4), Anih chĕp kơ̆l pơ gơ̆r Kuô̆k hô̆i tơ gop nơ̆r ăn hla ar chih tơ roi đơ̆ng Khul kơ dră tĕh đak găh tơ drong ‘mơ ‘met, tang găn pơ huach kư̆ kă sơ năm 2021.

Lơ̆m tơ drong hơ met ăn trong tơ mât jên jang, đei lơ tơ drong jang tam mă pơm tôm hla ar tơ mât jên jang, tam gơ̆h tơ mât jên jang, jing jang ưh đei đơ̆ng dôm hơ yak blŭng hloi; tơ drong hơ len năng, hơ met ming, chih tơ mât dơ̆ng dôm tơ drong kăl ăn tơ drong jang ‘nŏh tôch kăl vă gơ̆h tơ lĕch jên jang ‘lơ̆ng, gơ̆h jang đang dôm tơ drong jang.

‘Nâu jĭ tơ drong ưh hơ iă đei đunh sơ năm, Khul kơ dră tĕh đak athei sek tơ lang pơ tôch tơ drong ‘nâu. Lơ̆m sơ năm 2021, 9 anih tơm păng 21 tơ ring oei tam mă tơ lĕch ‘lơ̆ng jên jang đơ̆ng tĕh đak; đei 10 tơ ring tam mă tơ lĕch đĭ jên jang đei pơ jao. Bơ ngai tăh hla hơ pơi ‘mĕh dôm tơ drong ưh hơ iă lơ̆m khôi luơ̆t bơ̆ jang ‘mơ ‘met, tang găn pơ huach kư̆ kă gô đei pơ ma nuh tôch hơ len lơ̆m hop akŏm Anih chĕp kơ̆l pơ gơ̆r Kuô̆k hô̆i năr ‘nâu.

Dơ̆ng: Tơ blơ̆