VOV4.Bahnar - Pơ gê 10/3, Anih chĕp kơ̆l pơ gơ̆r Kuô̆k hô̆i pơ gơ̆r hop akŏm rim khei ‘măng mă 9. Kăl kơ tơ rĕk ‘nŏh, tơ̆ hop akŏm âu, Anih chĕp kơ̆l pơ gơ̆r Kuô̆k hô̆i vă ‘măn 1 năr bơ̆ jang, pơ gơ̆r apinh jet tơ chĕng adrol vă pơ gơ̆r lơ̆m ‘năr 16/3. ‘Nâu jĭ jơ apinh jet mă blŭng đơ̆ng Anih chĕp kơ̆l pơ gơ̆r Kuô̆k hô̆i jăl XV.

Kiơ̆ kơ ‘nŏh đei 2 grŭp tơ drong vă apinh jet găh tĕch mơ dro păng tơ mam drăm, cham char. Ƀơm truh tơ drong tĕch mơ dro, tơ drong vă apinh jet akŏm găh tơ drong pơm tơ lĕch tĕch mơ dro, răt iŏk păng tĕch đak xăng, đak dâu; tơ drong hơ met ming kơ jă đak xăng đak dâu khei ‘năr âu ki. Găh tơ mam drăm păng cham char, tơ drong vă apinh jet akŏm găh jang kiơ̆ tơ drong tơ chơ̆t găh apinh jet păng jang dăr lăng đơ̆ng Kuô̆k hô̆i ƀơm truh tơ drong chĕng hơ met, vei lăng, iŏk yoa tĕh tơ̆ tơ ring kơ drâm…

Dơ̆ng: Tơ blơ̆