VOV4.Bahnar - Pơ gê hei, tơ̆ Hnam Kuôk hô̆i, Anih chĕp kơ̆l pơ gơ̆r Kuôk hô̆i hơ nơ̆ng tơ drong jang ‘măng hop akŏm mă 9. Lơ̆m ‘măng hop akŏm mă 2 âu, Anih chĕp kơ̆l pơ gơ̆r Kuôk hô̆i bơ̆ jang lơ̆m 3 năr. Kăl kơ lăng truh, Anih chĕp kơ̆l pơ gơ̆r Kuôk hô̆i gô set hơ len, pơ drơ̆ng kiơ̆ Tơ drong tơ chơ̆t găh jên thuế vei lăng cham char hăm đak xăng đak dâu, luil truh đĭ ‘năr 31/12/2022. ‘Năr 13/3 âu ki, Khŭl kơ dră teh đak hlôi pơ drơ̆ng kiơ̆ hla ar chih ming găh jên thuê̆ vei lăng cham char hăm đak xăng đak dâu, luil truh đĭ ‘năr 31-12 vă pơ truh ăn Anih chĕp kơ̆l pơ gơ̆r Kuôk hô̆i pơ drơ̆ng kiơ̆. Kiơ̆ kơ ‘noh, tơ chĕng hơ drol jên tơ jur thuế vei lăng cham char hăm đak xăng ‘noh 2.000 hlak jên 1 kơ lich, đak dâu diesel, đak dâu mazut, nhơt ‘noh 1.000 hlak jên 1 kơ lich; luil ‘noh 1.000 hlak jên 1 kĭ; đak trôl ‘noh 700 hlak jên 1 kơ lich. Lơ̆m pơ gê hei Anih chĕp kơ̆l pơ gơ̆r Kuôk hô̆i ăn tơ gop nơ̆r găh tơ drong tơ roi tơ blang, chih iŏk, hơ met ming 2 Luơ̆t ‘noh ji|: Luơ̆t tĕch mơ dro ƀao hiêm ( hơ met ming) păng Luơ̆t Điện ảnh (hơ met ming); ăn tơ gop nơ̆r găh hla ar chih Tơ chơ̆t đơ̆ng Kuôk hô̆i pơ long lăng tơ drong jang pơ gơ̆r bơ̆ jang, tơ ƀôh tơ drong jang, pơ tho tơ drong jang ăn bơ ngai lĕch đơ̆ng hnam pơ nă.

Thuem: Tơ blơ̆