VOV4.Bahnar - Hơ nơ̆ng bơ̆ jang lơ̆m hop akŏm mă 10, năr ‘nâu, Anih chĕp kơ̆l pơ gơ̆r Kuô̆k hô̆i tơ gop nơ̆r ăn luơ̆t hơ met ming, chih tơ mât dơ̆ng 1,2 tơ drong lơ̆m Luơ̆t Tần số vô tuyến điện păng Luơ̆t Dăr hơ len (oei chih hơ met).

Luơ̆t hơ met ming, chih tơ mât dơ̆ng 1,2 tơ drong đơ̆ng Luơ̆t Tần số vô tuyến điện vă pơm lăp hăm tơ drong ‘mĕh vă đơ̆ng tơ drong jang kăch mang kơ măy kơ mŏk ‘măng mă 4, ‘mĕh vă mât jang hơ doi hăm apŭng plenh tĕh păng hơ met pơ ‘lơ̆ng dôm tơ drong tam mă lăp, tơ hlăk tăk đơ̆ng đơ̆ng yăn âu mưh vei lăng, pơm ‘lơ̆ng ăn luơ̆t mưh vei lăng, iŏk yoa tần số vô tuyến điện.

Đei 8 chăl păng 116 apăng, luơ̆t Dăr lăng chih hơ dăh tơ drong pơ gơ̆r, bơ̆ jang dăr lăng ăn tĕh đak; đon tơ chĕng, trong hơ met ming Luơ̆t Dăr lăng ‘nŏh jĭ vei kơ jăp păng pơm hơ dăh trong jang đơ̆ng Đảng păng tĕh đak găh tơ drong dăr hơ len; lăp hăm tơ drong ‘mĕh vă hơ met ming trong pơm hla ar vei lăng đơ̆ng tĕh đak.

Dơ̆ng: Tơ blơ̆