Hăm đon kơchăng, hơlen năng mă ‘lơ̆ng, mơ̆ng, chih iŏk nơ̆r tơgop đơ̆ng dôm bơngai tang măt Kuô̆k hô̆i, tơ̆ Hop akŏm mă 4 âu ki, Kuô̆k hô̆i tơchơ̆t tam mă drơ̆ng nơ̆r ăn Luơ̆t Khăm, hơmet jĭ (oei chih hơmet) yoa lơ tơdrong hơgăt pơm ăn lơ bơngai tang măt tam mă sơđơ̆ng jơhngâm. Lơ̆m nŏh đei tơdrong krao hơvơn kon pơlei vang pơjing anih jang pơgang kơdih jing tơdrong tam mă đei nơ̆r tơl tơblang.

Kăl loi, dôm trong jang đei tơlĕch lơ̆m Luơ̆t tam mă sek tơlang đei dôm tơdrong ưh kơlăp găh trong pơgơ̆r kơdih tơ̆ dôm hnam pơgang tĕh đak. Tơpă mơ̆n, tơdrong pơgơ̆r kơdih tơ̆ dôm hnam pơgang athei chih hơdăh, Tĕh đak tơmât jên truh dang yơ vă anih khăm hơmet jĭ gơ̆h pơgơ̆r jang kơdih kiơ̆ lơ tăl phara băl. Kiơ̆ đơ̆ng noh, tơgop pơm hơtŏk tơdrong ‘lơ̆ng đơ̆ng khăm, hơmet jĭ, pơm lăp hăm tơdrong ‘mĕh vă đơ̆ng kon pơlei.