VOV4.Bahnar - Hơ nơ̆ng tơ drong jang ‘măng hop a kŏm mă 11, ‘năr 13/5, Anih chĕp kơ̆l pơ gơ̆r kuôk hô̆i set hơ len tơ drong tơ chĕng hơ len trong jang klăih song jên jang trung ương jăl jang 2021 - 2025 păng sơ năm 2022 ăn kơ rim anih tơm, anih jang trung ương păng tơ ring bơ̆ jang kiơ̆ 03 tơ drong jang tơm kơ teh đak; set hơ len tơ drong tơ mơ̆t dơ̆ng trong tơ lĕch jang jên jang trung ương sơ năm 2022 lơ̆m teh đak klăih song ăn kơ rim anih tơm, anih jang, tơ ring păng ăn tơ gop nơ̆r găh tơ drong tơ plih jên tŏk iŏk găh ăn tŏk iŏk dơ̆ng, iŏk ăn khŭl kơ dră teh đak jing asong jên jang kơ teh đak. Đang kơ ‘noh, Anih chĕp kơ̆l pơ gơ̆r Kuôk hô̆i kŭm ăn tơ gop nơ̆r găh tơ drong pơ truh ăn Kuôk hô̆i set hơ len, tơ chơ̆t trong jang tơ mơ̆t jên jang jăl jang 1 dôm tơ drong jang ming man trong gre kơ dâu hrĕnh Châu Đốc – Cần Thơ - Sóc Trăng; Khánh Hòa -  Buôn Ma Thuột; Biên Hòa -Vũng Tàu. ‘Nâu jĭ dôm tơ drong jang gĭt kăl kơ teh đak găh gơ̆h kĭ ăn đơ̆ng kuôk hô̆i tơ chơ̆t trong jang tơ mơ̆t jên jang, đei iŏk yua lơ jên jang trung ương, tơ ring, jên tơ mơ̆t jên jang kơ teh đak păh lăp khei ‘năr păng jên găh pơ trŭt mŭk drăm.

Thuem: Tơ blơ̆