VOV4.Bahnar - Pơ gê 29/9, Khul kơ dră chĕp kơ̆l Đảng ƀô̆ plt HCM jăl XI đơ̆ng 2020 – 2025 pơ gơ̆r Hop akŏm mă 17, vă hơ len năng 1 sơ năm bơ̆ jang kiơ̆ Tơ drong Tơ chơ̆t 05 đơ̆ng Khul kơ dră chĕp kơ̆l Đảng ƀô̆ plt găh trong jang atŭm tang găn jĭ COVID-19 păng bơ̆ jang tơ iung ming mŭk drăm plt HCM. ‘Ngoăih kơ ‘nŏh, Hop akŏm oei hơ len năng tơ drong jang mŭk drăm, tơ pôl kơ plt lơ̆m 9 khei âu ki păng trong jang, tơ drong vă jang tơm lơ̆m 3 khei hơ tuch sơ năm kŭm hăm 1,2 tơ drong gĭt kăl nai hai.

Bí thư Đảng plt HCM Nguyễn Văn Nên pơ ma pơih blŭng Hop akŏm

Ƀât blŭng hop akŏm, Kơ dră jang lơ̆m Anih tơm Chinh trĭ, Bí thư đảng plt HCM Nguyễn Văn Nên akhan, dôm tơ drong jơ nei iŏk đei truh dang ei ‘nŏh tôch gĭt kăl, tôm tơ drong, tôch hơ iă păng pơm hơ tŏk dơ̆ng đon lui. Mă lei, ƀok Nguyễn Văn Nên athei, lơ̆m rim tơ drong athei lăng hơ len dơ̆ng păng chă đei tơ drong ‘lơ̆ng hlŏh vă tưk tơ iung, kăl loi athei jang mă ‘lơ̆ng dôm tơ drong jang kiơ̆ rim anih jang, rim tơ ring.

VOV-Dơ̆ng tơ blơ̆