VOV4.Bahnar - Ƀlep ƀât tơ băt 66 sơ năm Năr pơ jing Khul druh dăm Việt Nam, tơ̆ apŭng M'Drak, Anih jang đoan dêh char Dak Lak pơ gơ̆r lơ tơ drong jang kiơ̆ Năr Druh dăm vang jang hăm lơ tơ drong jang tôch đei yoa. Anih jang đoan dêh char Dak Lak pơ gơ̆r pơ jao tơ drong jang Tơ̆k hơ dăh trong pơ lei tơ̆ thôn 2, xăh Ea Hmlay, apŭng M'Drak.

Man Hnam khăn kuang ƀrê ăn hŏk tro đei tơ drong arih xa mơ mat tat dêh hlŏh

Tơ drong jang âu chô̆ tơ lei unh điên kơ jung truh 1km, đei 20 kơ ƀŏng unh điên măt ‘năr, chô̆ tơ ter trong tơ ƀưh pơ lei pơ la, akŏm đĭ đăng đei kơ jă 45 triu hlak jên; Man 2 tŏ hnam Khăn kuang ƀrê ăn hŏk tro đei tơ drong arih xa mơ mat tat dêh hlŏh tơ̆ 2 xăh Ea Riêng păng Cư Mtar, apŭng M'Drak, 1 pôm hnam đei kơ jă 60 triu hlak jên.

Ƀlep ƀât ‘măng mă âu, rim anih jang đoan tơ̆ apŭng păng anih jang đoan tơ̆ tơ ring lơ̆m dêh char Dak Lak adoi pơ gơ̆r lơ tơ drong jang ‘moi kiơ̆ Năr Druh dăm vang jang, hăm lơ tơ drong jang tôch đei yoa nhen man hnam ăn bơ ngai đei kŏng, man hnam ăn bơ ngai mơ mat tat; hơ met rơ gŏh cham char, pơ jao đak tơ nglang, hơ păh tơ mam, hơ păh jên hŏk ƀŏng ăn hŏk tro tơ nuh.

VOV Tây Nguyên/Dơ̆ng tơ blơ̆