Anih jang đoàn dêh char Kon Tum pôk pơ ư “ Bơngai mơ lôh jang hơgei” ‘măng mă VI
Thứ sáu, 11:22, 18/11/2022
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Pơgê (17/11), tơ̆ pơlei tơm Kon Tum, Khŭl chĕp kơ̆l Anih jang đoàn dêh char Kon Tum pơgơ̆r pôk pơ ư “Bơngai mơ lôh jang hơgei” ‘măng mă VI, sơ năm 2022 păng dôm hơnăn pơjei băl đơ̆ng anih jang đoàn hăm tơdrong vang akŏm đơ̆ng hloh 150 đoàn viên hơdruh tơdăm.
Pơma tơ̆ ‘măng pơgơ̆r, Bí thư anih jang đoàn dêh char Kon Tum Xiêng Thanh Phúc pơma hơdăh, dôm bơngai, grŭp tơpôl đei Anih vei lăng kon pơlei dêh char, Khŭl chĕp kơ̆l Anih jang đoàn dêh char pôk pơ ư, pôk hơpăh ‘noh jĭ dôm bơngai jang ‘lơ̆ng lơ̆m hŏk pơhrăm păng pơm kiơ̆ nơ̆r ƀok Hồ.
Lơ̆m kơsô̆ dôm bơngai, khŭl tơpôl đei pôk pơ ư, pôk hơpăh đei 52 hơdruh tơdăm hơgei pơm kiơ̆ nơ̆r ƀok Hồ; 15 ‘nu bơngai mơlôh hơgei; 41 ‘nu bơngai mơ lôh pơtho hŏk, hŏk tro, sinh viên, 9 khŭl tơpôl, 17 ‘nu đei hơgei hloh lơ̆m hŏk pơhrăm, bơ̆jang păng tơdrong jang hơdruh tơdăm hơioh dêh char Kon Tum jăl jang 2017- 2022.
Viết bình luận