Hơdah hloh noh gah tơdrong jang pơgang hơmet jĭ jăn, truh dang ei Anih jang Hơlen Hat nhơ̆n hlôi hơlen păng pơm tơlĕch keh đang hloh 30 kơluăi phara băl adoi nhen pơgang 'măn ăn tơdrong jang hơlen pơgang hơmet jĭ jăn păng dôm tơdrong jang mŭk drăm kih thuơ̆t nai;  7 tơmam drăm kơ Anih jang Hơlen đei tơmơ̆t lơ̆m hơnăn pơgang Việt Nam đơ̆ng khei 2/2010; Minh ƀar tơmam drăm đei sơkơ̆t jing Trong jang gơh hơgei khua hŏk kŏng ngê̆, lơ̆m kơsơ̆p Săch dreng Việt Nam sơnăm 2018.

Rim giĕng anih jang hơlen pơm tơlĕch đei pơgang đŏng vĭ phŏng să ăn 23 Khua Y hŏk hat nhơ̆n lơ̆m jơ̆p teh đak. Tiến sỹ Cao Đông Vũ, Kơdră Anih jang Hơlen Hat nhơ̆n ăn tơbăt, anih jang tŏk bŏk oei hơtŏk kơtang tơdrong jang khua hŏk kơmăi kơmŏk hat nhơ̆n 'măn ăn tơdrong vei sơđơ̆ng rơngei tơpôl păng hơtŏk mŭk drăm – tơpôl kơ teh đak.