Kiơ̆ kơ ‘nŏh, Hop akŏm ưh ê ‘măng mă 2 vă hôp hơmet hơdrol kơsơ̆ ‘nâu (04/01) păng pơgơ̆r tih lơ̆m ‘năr 05/01. Kiơ̆ tơdrong tơchĕng, Kuô̆k hô̆i vă hôp hơdai lơ̆m 04 năr (tôch lơ̆m ‘năr 09/01). Tơ̆ hop akŏm âu, Kuô̆k hô̆i vă set hơlen lơ tơdrong gĭt kăl, vă tơchơ̆t dôm tơdrong tih, kăp gĭt, pơm lăp hăm tơdrong ‘mĕh vă lơ̆m tơdrong arih xa.

Tơ̆ hop akŏm âu, tơdrong gĭt kăl đei Kuô̆k hô̆i vă pơ drơ̆ng nơ̆r, yơ̆r ti ‘nŏh jĭ Tơ drong tơchơ̆t găh Tơproh trong jang atŭm kơ tĕh đak đơ̆ng 2021-2023, trong jang truh sơnăm 2050. Kiơ̆ kơ ‘nŏh vă akŏm jơ hơlen năng tơring tĕh đei chĕng song kiơ̆ trong tơproh; đon tơchĕng, trong vă jang păng đon pơhnŏng jang tŏk; dôm tơdrong jang tơm lơ̆m khei ‘năr tơproh trong jang; trong vă jang atŏk tơiung mŭk drăm, tơpôl hăm dôm tơring jang mŭk drăm tơm kơ tĕh đak.